 ການເຮັດວຽກຂອງຄະນະກັບການນຳ ລັດ Hessen |
ຫຼັງຈາກນັ້ນ, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ພັນລະຍາ ພ້ອມກັບຄະນະຜູ້ແທນຂັ້ນສູງ ຫວຽດນາມ ໄດ້ໄປຢ້ຽມຢາມ, ເຮັດວຽກຢູ່ລັດ Hessen. ທີ່ການເຮັດວຽກ, ຜູ້ວ່າການລັດ Hessen ທ່ານ Volker Bouffier ປາດຖະໜາຢາກພັດທະນາການຮ່ວມມືກັບ ຫວຽດນາມ ໃນຂົງເຂດເຊິ່ງລັດ ມີທ່າແຮງຄື ການສຶກສາ - ບຳລຸງສ້າງ, ອຸດສາຫະກຳເຄມີ, ກົນຈັກປຸງແຕ່ງ… ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ລັດ Hessen ສືບຕໍ່ໜູນຊ່ວຍ, ສົ່ງເສີມບັນດາວິສາຫະກິດຂອງລັດມາ ລົງທຶນ ດຳເນີນທຸລະກິດຢູ່ ຫວຽດນາມ. ທ່ານນາຍົກລັດຖະມົນຕີ ຢືນຢັນວ່າ ລັດຖະບານ ຫວຽດນາມ ຍາມໃດກໍ່ສະໜັບສະໜູນ, ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດ ເຢຍລະມັນ ເວົ້າລວມ ແລະ ລັດ Hessen ເວົ້າສະເພາະ ມາລົງທຶນ, ດຳເນີນທຸລະກິດຍາວນານ ແລະ ເປັນປົກກະຕິຢູ່ ຫວຽດນາມ ແລະ ສະເໜີໃຫ້ບັນດາທ້ອງຖິ່ນຂອງ 2 ຝ່າຍເພີ່ມທະວີການຮ່ວມມື ແລະ ແບ່ງປັນບົດຮຽນ ໃນຂົງເຂດທີ່ຕ່າງຝ່າຍຕ່າງມີຄວາມສົນໃຈ.
ກ່ຽວກັບການສຶກສາ - ບຳລຸງສ້າງ, ທ່ານນາຍົກລັດຖະມົນຕີ ຫງວຽນຊວນຟຸກ ຕີລາຄາສູງການໜູນຊ່ວຍຂອງລັດ Hessen ທີ່ໄດ້ສະຫງວນໃຫ້ ຫວຽດນາມ ຜ່ານໂຄງການມະຫາວິທະຍາໄລ ຫວຽດ - ເຢຍລະມັນ ແລະ ສະເໜີວ່າ ລັດ Hessen ສືບຕໍ່ເອົາໃຈໃສ່, ໜູນຊ່ວຍ ຫວຽດນາມ ຜັນຂະຫຍາຍບັນດາໄລຍະຕໍ່ໄປຂອງໂຄງການ, ພິເສດແມ່ນສະໜອງການບຳລຸງສ້າງຄູສອນ ຫວຽດນາມ ໃຫ້ໂຮງຮຽນ.
ທີ່ການພົບປະກັບປະທານສະພາແຫ່ງຊາດລັດ Hessen Nobert Kartmann, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ການນຳ ແລະ ບັນດາສະມາຊິກສະພາແຫ່ງຊາດລັດ Hessen ເພີ່ມທະວີການຮ່ວມມືລະຫວ່າງລັດຖະສະພາກັບສະພາແຫ່ງຊາດ ແລະ ສະພາປະຊາຊົນບັນດານະຄອນຂອງ ຫວຽດນາມ ໃນການແບ່ງປັນບົດຮຽນສ້າງລັດແຫ່ງອຳນາດນິຕິບັນຍັດ, ກົດໝາຍ, ຄຸ້ມຄອງການລົງທຶນຂອງລັດ, ຄູ່ຮ່ວມມືພາກລັດ - ເອກະຊົນ, ການຄ້າເອເລັກໂຕນິກ ແລະ ຄຸ້ມຄອງຕົວເມືອງ. ທ່ານປະທານສະພາແຫ່ງຊາດລັດ Hessen Nobert Kartmann ຢືນຢັນວ່າ: ລັດ Hessen ຈະປະກອບສ່ວນຕັ້ງໜ້າກ່ວາອີກຊຸກຍູ້ພັດທະນາການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດ.
