(ພາບ:QDND)
ທ່ານ ພົນໂທ ຫງວຽນເຈື່ອງຖັ໋ງ ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ພົບປະກັບທ່ານ Rajesh Kumar Singh, ເລຂາທິການກະຊວງປ້ອງກັນປະເທດ ອິນເດຍ.
ນະທີ່ນີ້, ສອງຝ່າຍເຫັນດີເປັນເອກະພາບຮັກສາບັນດາກົນໄກພົບປະເຈລະຈາ, ປຶກສາເປັນປະຈຳ; ເປັນເອກະພາບຈັດຕັ້ງການໂອ້ລົມສົນທະນານະໂຍບາຍປ້ອງກັນຊາດ ຫວຽດນາມ - ອິນເດຍ ຄັ້ງທີ 16 ໃນຕົ້ນປີ 2027 ຢູ່ ອິນເດຍ ເພື່ອແນໃສ່ເພີ່ມທະວີການແລກປ່ຽນ, ຄວາມເຂົ້າອົກເຂົ້າໃຈເຊິ່ງກັນ ແລະ ກັນ, ການກຳນົດທິດພັດທະນາການພົວພັນດ້ານປ້ອງກັນຊາດສອງຝ່າຍ; ເປີດກ້ວາງບັນດາຂົງເຂດຮ່ວມມືໃໝ່, ຄື: ການຮ່ວມມືບຳລຸງສ້າງ, ການຮັກສາສັນຕິພາບ ສປຊ, ອຸດສາຫະກຳປ້ອງກັນຊາດ; ສົ່ງເສີມການຜັນຂະຫຍາຍບັນດາບ້ວງເງິນສິນເຊື່ອ, ບ້ວງເງິນຊ່ວຍເຫຼືອລ້າ; ຄົ້ນຄ້ວາຄວາມສາມາດເປັນໄປໄດ້ຂອງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນຄື: ຄວາມໝັ້ນຄົງທາງໄຊເບີ, ເສນາຮັກ, ກູ້ໄພກູ້ຊີບ... ສອງຝ່າຍສົມທົບຢ່າງແໜ້ນແຟ້ນໃນຂົງເຂດກອງປະຊຸມລັດຖະມົນຕີ ກະຊວງປ້ອງກັນປະເທດບັນດາປະເທດ ອາຊຽນ ເປີດກ້ວາງ (ADMM+), ປະຕິບັດສຳເລັດບົດບາດເປັນປະທານຮ່ວມຂອງກຸ່ມນັກຊ່ຽວຊານ ADMM+ ກ່ຽວກັບການຄວາມໝັ້ນຄົງທາງໄຊເບີ ອາຍຸການ 2027 – 2030ໃຫເປັນຢ່າງດີ.
ພົນໂທ ຫງວຽນເຈື່ອງຖັ໋ງ, ສະແດງຄວາມປາດຖະໜາຢາກຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນປະເທດ, ກອງທັບ ອິນເດຍ, ພ້ອມກັບບັນດາວິສາຫະກິດປ້ອງກັນຊາດ ອິນເດຍ ໄປຢ້ຽມຢາມ ຫວຽດນາມ ແລະ ເຂົ້າຮ່ວມງານວາງສະແດງປ້ອງກັນຊາດສາກົນ ຫວຽດນາມ ຄັ້ງທີ 3 ທີ່ຈະຈັດຕັ້ງໃນລະຫວ່າງວັນທີ 10 – 13 ທັນວາ 2026 ຢູ່ ຮ່າໂນ້ຍ.
