ວັນທີ 22 ຕຸລາ, ກອງທຶນຮັບມືກັບຜົນເສຍຫາຍທີ່ເກີດຈາກດິນຟ້າອາກາດຂອງ ສປຊ ເຫັນດີເປັນເອກະພາບສະຫງວນເງິນເປັນຈຳນວນ 20 ລ້ານ USD ໃຫ້ແກ່ ເນປານ ຕາມການສະເໜີຂອງບັນດາປະເທດອາຊີໃຕ້ ພາຍຫຼັງເກີດເຫດນ້ຳຊຸຖ້ວມທີ່ຮ້າຍແຮງ. ນີ້ເປັນຄັ້ງທຳອິດທີ່ກອງທຶນໄດ້ສະຫງວນງົບປະມານໜູນຊ່ວຍໃຫ້ປະເທດໜຶ່ງນັບແຕ່ວາລາໄດ້ຮັບການສ້າງຕັ້ງຂຶ້ນ, ສ້າງຂີດໝາຍແຫ່ງການທົດລອງສຳຄັນຕໍ່ອິດທິພົນຊື່ສຽງ ແລະ ການເຄື່ອນໄຫວທີ່ມີປະສິດທິຜົນຂອງກອງທຶນ. ຢູ່ກອງປະຊຸມວິສາມັນຄັ້ງທຳອິດນັບແຕ່ເວລາສ້າງຕັ້ງໃນປີ 2022, ຄະນະບໍລິຫານກອງທຶນເຫັນດີເປັນເອກະພາບສະຫງວນເງິນເປັນຈຳນວນ 20 ລ້ານ USD ໃຫ້ແກ່ ເນປານ, ໂດຍແມ່ນປະເທດທີ່ຖືກເຫດນ້ຳຊຸຖ້ວມຢ່າງຮ້າຍແຮງ ເມື່ອເດືອນສິງຫາ ພາຍຫຼັງເຫດນ້ຳກ້ອນ ແລະ ຫີນເຊາະເຈື່ອນທີ່ເກີດຈາກການປ່ຽນແປງຂອງດິນຟ້າອາກາດ, ເຮັດໃຫ້ເກີດກະແສນ້ຳຊຸຖ້ວມທີ່ມີແຮງທຳລາຍຄ້າຍຄືກັບຄື່ນຟອງຍັກ. ເຫດໄພພິບັດໄດ້ເຮັດໃຫ້ມີກວ່າ 1.400 ເສຍຊີວິດ ແລະ ກວ່າ 5.000 ຄົນຫາຍຊາບສູນ.
