 ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ພິທີ (ພາບ: TTXVN) |
ໂດຍສະແດງຄວາມຊົມເຊີຍຕໍ່ບັນດາຜົນສຳເລັດ ເຊິ່ງມະຫາວິທະຍາໄລແຫ່ງຊາດ ນະຄອນ ໂຮ່ຈີມິນ ທີ່ບັນລຸໄດ້ໃນໄລຍະ 28 ປີແຫ່ງການກໍ່ສ້າງ ແລະ ພັດທະນາ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເນັ້ນໜັກວ່າ ປັດຈຸບັນ, ຫວຽດນາມ ພວມສ້າງໂຄງປະກອບພື້ນຖານເສດຖະກິດທີ່ຕິດພັນກັບການປ່ຽນແປງຮູບແບບການເຕີບໂຕຕາມທິດພັດທະນາໂດຍໄວ ແລະ ຍືນຍົງຄືນໃໝ່, ເອົາໃຈໃສ່ເປັນພິເສດເຖິງການພັດທະນາເສດຖະກິດດີຈີຕອນ, ເສດຖະກິດສີຂຽວ, ເສດຖະກິດໝູນວຽນ, ການຄ້າເອເລັກໂຕນິກ, ບັນດາຂະແໜງການ, ຂົງເຂດທີ່ຫາກໍ່ພົ້ນເດັ່ນ. ທ່ານນາຍົກລັດຖະມົນຕີ ປາດຖະໜາຢາກໃຫ້ ມະຫາວິທະຍາໄລແຫ່ງຊາດນະຄອນ ໂຮ່ຈີມິນ ກາຍເປັນລະບົບມະຫາວິທະຍາໄລຄົ້ນຄ້ວາແຖວໜ້າອາຊີ, ສະຖານທີເຕົ້າໂຮມຜູ້ມີຄວາມເກັ່ງກ້າສາມາດ, ແຜ່ກະຈາຍພູມປັນຍາ, ວັດທະນະທຳ ຫວຽດນາມ.
