ນັບແຕ່ວັນທີ 15 ກໍລະກົດ, ມີແຮງງານນັບພັນຄົນສາມາດໄປມາຜ່ານເສັ້ນຊາຍແດນລະຫວ່າງ ແອັດສະປາຍ ແລະ Gibraltar ໃນແຕ່ລະມື້ ຢ່າງສະດວກກວ່າ, ພາຍຫຼັງສະຫະພາບເອີຣົບ (EU) ແລະ ອັງກິດ ລົງນາມໃນຂໍ້ຕົກລົງຢຸດຕິບັນດາການເຄື່ອນໄຫວຄວບຄຸມຊາຍແດນຢູ່ເຂດດິນແດນນີ້, ເຊິ່ງເປັນບັນຫາທີ່ເຄີຍເປັນສາເຫດສ້າງຄວາມເຄັ່ງຕຶງທີ່ແກ່ຍາວລະຫວ່າງ London ແລະ Madrid.
ຕາມຂໍ້ຕົກລົງບັນລຸທີ່ໄດ້ລະຫວ່າງ EU ແລະ ອັງກິດ ພາຍຫຼັງວິວັດທະນາການ Brexit, ບັນດາປ້ອມຄວບຄຸມຊາຍແດນລະຫວ່າງ Gibraltar, ເຂດດິນແດນຂອງ ອັງກິດ ແລະ ແອັດສະປາຍ ໄດ້ຮັບການຍົກເລີກ, ຊ່ວຍໃຫ້ປະຊາຊົນ, ຊາວຜູ້ອອກແຮງງານ ແລະ ວິສາຫະກິດສອງຝ່າຍໄດ້ໄປມາຢ່າງສະດວກກວ່າ.
ຄະນະກຳມະການເອີຣົບ (EC) ໃຫ້ຮູ້ວ່າ ຂໍ້ຕົກລົງນີ້ແມ່ນໝາກຜົນຂອງການເຈລະຈາໃນຫຼາຍປີ ພາຍຫຼັງທີ່ ອັງກິດ ອອກຈາກ EU ໃນປີ 2020. ເປົ້າໝາຍຂອງຂໍ້ຕົກລົງແມ່ນຮັບປະກັນສິດເສລີໃນການໄປມາ, ຮັກສາການເຄື່ອນໄຫວດ້ານການຄ້າຂ້າມຊາຍແດນ, ພ້ອມທັງແກ້ໄຂບັນດາບັນຫາທີ່ເກີດຂຶ້ນຈາກເລື່ອງ Gibraltar ບໍ່ໄດ້ນອນຢູ່ໃນຂອບເຂດນິຕິກຳຂອງ EU ອີກ ພາຍຫຼັງ Brexit.
