ກອງທຶນໃໝ່ດັ່ງກ່າວ ມີຊື່ເຕັມວ່າ ກອງທຶນຫຸ້ນສ່ວນປ້ອງກັນຊາດ (DEF), ວາງເປົ້າໝາຍລະດົມໄດ້ທຶນປະມານ 500 ລ້ານ ເອີໂຣ ຜ່ານການດຶງດູດທຶນຈາກບັນດາກອງທຶນລົງທຶນເອກະຊົນ ແລະ ກອງທຶນຮ່ວມຫຸ້ມລົງທຶນໂຄງການ start up. ໃນ 4 ປີຂ້າງໜ້າ, DEF ຈະສຸມໃສ່ບັນດາໂຄງການພັດທະນາເຕັກໂນໂລຢີການໝູນໃຊ້ໃນຂົງເຂດພົນລະເຮືອນ ແລະ ປ້ອງກັນຊາດ.
ການສ້າງຕັ້ງກອງທຶນຫຸ້ນສ່ວນປ້ອງກັນຊາດ ແມ່ນສ່ວນໜຶ່ງຂອງຄວາມມານະພະຍາຍາມ ຂອງ ສະຫະພາບເອີຣົບ (EU), ເພື່ອແນໃສ່ເພີ່ມທະວີບົດບາດໃນການຕັດສິນນະໂຍບາຍປ້ອງກັນຊາດ ແລະ ຄວບຄຸມການເຄື່ອນໄຫວການລົງທຶນ, ດຳເນີນທຸລະກິດໃນຂົງເຂດນີ້ ໃນກໍລະນີເກີດບັນດາຄວາມສ່ຽງດ້ານຄວາມໝັ້ນຄົງພາຍໃນ ກໍຄື ບັນດາການປະທະກັນປະກອບອາວຸດຢູ່ບັນດາບໍລິເວນຕິດກັບ ເອີຣົບ.
