 ບັນດາວິສາຫະກິດໝູນໃຊ້ຫຼາຍແບບວິທີເພື່ອຫັນເປັນສີຂຽວ, ໃນນັ້ນ ມີການຫັນໄປສູ່ພະລັງງານຜະລິດຄືນໃໝ່ ແລະ ສ້າງໂຄງປະກອບຄຸ້ມຄອງແບບຍືນຍົງ (ພາບ: ສຳນັກຂ່າວສານຊິນຮວາ) |
ຕາມບົດລາຍງານທີ່ມີຊື່ວ່າ “ການພັດທະນາແບບຍືນຍົງ: ບົດລາຍງານປະຈຳປີ ອາຊີ ແລະ ໂລກ ປີ 2022” ແລ້ວ, ໄລ່ຮອດທ້າຍປີ 2021, ມີ 25 ປະເທດ ອາຊີ ຍົກອອກຄຳໝັ້ນສັນຍາຫຼຸດຜ່ອນການປ່ອຍອາຍພິດລົງໃນລະດັບ 0 (net – zero). ເພື່ອເພີ່ມທະວີວຽກງານຄຸ້ມຄອງບັນຫານີ້, ລັດຖະບານບັນດາປະເທດ ອາຊີ ໄດ້ປະຕິບັດຫຼາຍມາດຕະການ ລວມທັງການສ້າງຕັ້ງຄະນະກຳມະການຕ່າງໆ ແລະ ກຸ່ມການນຳຂັ້ນສູງຕິດຕາມກວດກາວິວັດທະນະການກໍ່ສ້າງ ແລະ ປະຕິບັດຍຸດທະສາດ net – zero ຂອງປະເທດຊາດ, ກຳນົດບັນດາເປົ້າໝາຍຫຼຸດຜ່ອນການປ່ອຍອາຍພິດກາກບອນ ແລະ ຂັ້ນຕອນປະຕິບັດເພື່ອບັນລຸໄດ້ເປົ້າໝາຍນີ້ ກໍຄືສ້າງລະບົບຊື້ - ຂາຍກາກບອນ.
ຕາມບົດລາຍງານດັ່ງກ່າວແລ້ວ, ມີວິສາຫະກິດຫຼາຍແຫ່ງຢູ່ ອາຊີ ກໍຕັ້ງໜ້າໃນບັ້ນປ້ອງກັນ, ຕ້ານການປ່ຽນແປງຂອງດິນຟ້າອາກາດ, ມີວິສາຫະກິດ 440 ແຫ່ງເຂົ້າຮ່ວມຂໍ້ລິເລີ່ມ ເປົ້າໝາຍ ໂດຍອີງໃສ່ພື້ນຖານວິທະຍາສາດ. ຕາມນັ້ນແລ້ວ, ບັນດາວິສາຫະກິດເຫຼົ່ານີ້ ກໍໝູນໃຊ້ຫຼາຍແບບວິທີເພື່ອຫັນເປັນສີຂຽວ, ໃນນັ້ນ ມີການຫັນໄປສູ່ພະລັງງານຜະລິດຄືນໃໝ່ ແລະ ສ້າງໂຄງປະກອບຄຸ້ມຄອງແບບຍືນຍົງ.
