(ພາບ: Sergey Bobylev/TASS Host Photo Agency/Handout via REUTERS)
ວັນທີ 30 ສິງຫາ, ທ່ານປະທານາທິບໍດີ ລັດເຊຍ Vladimir Putin ໄດ້ສົ່ງຄຳອວຍພອນໄປຍັງບັນດາຜູ້ແທນ, ຜູ້ຈັດຕັ້ງ ແລະ ແຂກຖືກເຊີນຂອງອົງການເສດຖະກິດທາງທິດຕາເວັນອອກ 2026 (EEF 2026), ທີ່ໄດ້ຈັດຂຶ້ນຢູ່ Vladivostok ແຕ່ວັນທີ 1 ຫາວັນທີ 4 ກັນຍາ. ການນຳລັດເຊຍ ເນັ້ນໜັກວ່າ ເວທີປາໄສເສດຖະກິດທາງທິດຕາເວັນອອກໄດ້ກາຍເປັນພື້ນຖານເອກະລາດເພື່ອປຶກສາຫາລືກ່ຽວກັບບັນດາທິດທາງພັດທະນາຍຸດທະສາດຫ້ແກ່ເຂດຕາເວັນອອກໄກ ແລະ ທົ່ວປະເທດລັດເຊຍ, ກໍ່ຄືເພື່ອສ້າງຕັ້ງ ແລະ ເພີ່ມທະວີການພົວພັນຕ່າງຝ່າຍຕ່າງມີຜົນປະໂຫຍດກັບບັນດາຄູ່ຮ່ວມມືຈາກພາກພື້ນອາຊີ ປາຊີຟິກ ໃນຂົງເຂດ logistics, ອຸດສາຫະກຳ, ພະລັງງານ ແລະ ມີຫຼາຍຂົງເຂດເສດຖະກິດອື່ນໆ. ທ່ານປະທານາທິດີ ລັດເຊຍ ເຊື່ອໝັ້ນວ່າ, ບັນດາສະມາຊິກເຂົ້າຮ່ວມເວທີປາໄສເສດຖະກິດ ທາງທິດຕາເວັນອອກຄັ້ງນີ້ ຈະສະເໜີບັນດາມາດຕະການຢ່າງມີປະສິດທິຜົນເພື່ອແນໃສ່ສ້າງໂອກາດດຳເນີນທຸລະກິດໃໝ່, ຍົກສູງຄຸນນະພາບການດຳລົງຊີວິດຂອງປະຊາຊົນ ແລະ ເຮັດໃຫ້ບັນດານະຄອນ, ໝູ່ບ້ານຢູ່ເຂດທາງທິດເວັນອອກໄກມີຄວາມສະດວກ ແລະ ທັນສະໄໝກ່ວາເກົ່າ.
