 ເວທີປາໄສເສດຖະກິດ ຫວຽດນາມ - ສ.ເກົາຫຼີ |
ເນື່ອງໃນໂອກາດສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດ ຫວຽດນາມ - ສ.ເກົາຫຼີ.
ກ່າວຄຳເຫັນທີ່ເວທີປາໄສ, ທ່ານຮອງນາຍົກລັດຖະມົນຕີ ຫວຽດນາມ ຈິ້ງດີງຢຸງ ຕີລາຄາສູງຂໍ້ລິເລີ່ມສົມທົບກັນຈັດຕັ້ງເວທີປາໄສເສດຖະກິດ ຫວຽດນາມ - ສ.ເກົາຫຼີ, ຢືນຢັນຄວາມເອົາໃຈໃສ່, ເຂົ້າຮ່ວມເວທີປາໄສໃນຄັ້ງນີ້ຂອງວິສາຫະກິດ 2 ປະເທດເປັນຈຳນວນຫລວງຫລາຍ, ໃນນັ້ນ ມີການນຳຫລາຍທ່ານຈາກບັນດາກຸ່ມບໍລິສັດແຖວໜ້າຂອງ ສ.ເກົາຫຼີ ແລະ ຫວຽດນາມ.
ເວທີປາໄສແມ່ນໂອກາດທີ່ມີຄວາມໝາຍທີ່ສຸດ ເພື່ອຕີລາຄາບັນດາຜົນງານທີ່ບັນລຸໄດ້; ກຳນົດບັນດາໂອກາດ; ຄວາມສະດວກຢ່າງຈະແຈ້ງ ແລະ ທັງຄວາມຫຍຸ້ງຍາກ, ສິ່ງທ້າທາຍ; ບົນພື້ນຖານນັ້ນ ວາງອອກການກຳນົດທິດ ແລະ ບັນດາມາດຕະການ ເພື່ອເພີ່ມທະວີການພົວພັນຮ່ວມມືລະຫວ່າງ 2 ປະເທດ ຫວຽດນາມ ແລະ ສ.ເກົາຫຼີ ໃຫ້ດີກ່ວາອີກ ໃນຂົງເຂດເສດຖະກິດ - ການຄ້າ - ການລົງທຶນໃນໄລຍະຈະມາເຖິງ.
