ເຢຍລະມັນແລະຝລັ່ງລົງນາມໃນສົນທິສັນຍາມິດຕະພາບສະບັບໃໝ່

ສັນຍາ Aachen ແມ່ນເພື່ອແນໃສ່ຍົກສູງກຳລັງຄວາມສາມາດໃນການຮ່ວມມືຢູ່ລຽບຕາມຊາຍແດນທີ່ມີລວງຍາວ 450 ກ.ມ ລະຫວ່າງຝລັ່ງ ແລະ ເຢຍລະມັນ, ພ້ອມທັງເພີ່ມທະວີການຮ່ວມມືລະຫວ່າງ 2 ປະເທດໃນເລື່ອງຮັບມືກັບບັນດາບັນຫາທົ່ວໂລກ ຄືການປ່ຽນແປງຂອງດິນຟ້າອາກາດ ແລະ ການກໍ່ການຮ້າຍ.

ກ່າວຄຳເຫັນຕໍ່ວົງການເຈົ້າໜ້າທີ່ເຢຍລະມັນ ແລະ ເອີລົບ ທີ່ກອງປະຊຸມຢູ່ Aachen, ທ່ານນາງນາຍົກລັດຖະມົນຕີ Angela Markel ຖືວ່າ, ສົນທິສັນຍາສະບັບໃໝ່ລະຫວ່າງຝລັ່ງ ແລະ ເຢຍລະມັນ ແມ່ນບາດກ້າວໄປເຖິງການສ້າງຕັ້ງກອງທັບເອີລົບ ລວມໃນອະນາຄົດ.

ສ່ວນທ່ານປະທານາທິບໍດີຝລັ່ງ Emmanuel Macron ສະແດງການສະໜັບສະໜູນຕໍ່ບົດກ່າວປາໄສຂອງທ່ານນາງ Angela Merkel, ເຊິ່ງໃຫ້ຄຳຕັກເຕືອນວ່າ “ຄວາມຄຽດແຄ້ນ” ໃນສັງຄົມເອີລົບ ກໍ່ຄືຄວາມກົດດັນຈາກພາຍນອກພວມເພີ່ມຂຶ້ນ.