(ພາບປະກອບ: Reuters)
ວັນທີ 04 ກັນຍາ, ຢູ່ນະຄອນຫຼວງ ປາຣີ, ປະເທດ ຝລັ່ງ, ທຳນຽບປະທານາທິບໍດີ ຝລັ່ງ (ວັງ Élysée) ໄດ້ຈັດການປະຊຸມຖະແຫຼງຂ່າວສາກົນແຈ້ງຂໍ້ມູນກ່ຽວກັບການຢ້ຽມຢາມ ຝລັ່ງ ຢ່າງເປັນທາງການຂອງທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແຕ່ວັນທີ 09 – 12 ກັນຍາ. ທ່ານນາງ Julie Le Saos, ທີ່ປຶກສາຮັບຜິດຊອບພາກພື້ນ ອາຊີ - ທະວີບໂອເຊອານີຂອງປະທານາທິບໍດີ ຝລັ່ງ, ໃຫ້ຮູ້ວ່າ:
“ເປົ້າໝາຍຂອງການຢ້ຽມຢາມແມ່ນຊຸກຍູ້ການຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານເຊິ່ງທັງ 2 ປະເທດໄດ້ຍົກລະດັບໃນປີ 2024 ໃຫ້ແທດຈິງ. ການຮ່ວມມືນີ້ບໍ່ພຽງແຕ່ປະກອບສ່ວນປັບປຸງສິດເປັນເຈົ້າຂອງແຕ່ລະຝ່າຍເທົ່ານັ້ນ, ຫາກຍັງສະແດງໃຫ້ຫັນຄຳໝັ້ນສັນຍາຂອງ ຝລັ່ງ ໃນການຮ່ວມເດີນທາງພ້ອມກັບ ຫວຽດນາມ ພັດທະນາກຳລັງບົ່ມຊ້ອນດ້ານອຸດສາຫະກຳ, ເຕັກໂນໂລຊີປ້ອງກັນຊາດ ພ້ອມກັບບັນດາຂະແໜງເສດຖະກິດໃນອະນາຄົດ”.
