ສື່ມວນຊົນຕ່າງປະເທດ ແລະ ບັນດາອົງການຈັດຕັ້ງສາກົນ ສືບຕໍ່ມີການຕີລາຄາຢ່າງຕັ້ງໜ້າ, ປະເອີບໃຈ ຕໍ່ແງ່ຫວັງເສດຖະກິດ ຫວຽດນາມ. ສິ່ງທີ່ໄດ້ເນັ້ນໜັກບໍ່ພຽງແຕ່ແມ່ນລະດັບເຕີບໂຕສູງເທົ່ານັ້ນ, ຫາກຍັງແມ່ນຄວາມສາມາດຮັບມື, ຄວາມຫຼາກຫຼາຍຂອງບັນດາກຳລັງໜູນເຕີບໂຕ ແລະ ຖານະບົດບາດທີ່ນັບມື້ນັບຈະແຈ້ງຂອງ ຫວຽດນາມ ໃນລະບົບຕ່ອງໂສ້ການສະໜອງທົ່ວໂລກ. ທ່ານ Shantanu Chakraborty, ຜູ້ອຳນວຍການທະນາຄານພັດທະນາ ເອີລົບ(ADB) ຢູ່ ຫວຽດນາມ ໃຫ້ຂໍ້ສັງເກດວ່າ:
“ແງ່ຫວັງເສດຖະກິດ ຂອງ ຫວຽດນາມ ຍັງສືບຕໍ່ມີຄວາມຕັ້ງໜ້າ. ພື້ນຖານເສດຖະກິດຮັກສາທ່າພັດທະນາໄດ້ຢ່າງແຮງໃນ 6 ເດືອນຕົ້ນປີ 2026. ສິ່ງນີ້ສະແດງໃຫ້ເຫັນຄວາມສາມາດຮັບມືຢ່າງຈະແຈ້ງ ແລະ ການຟື້ນຟູຢ່າງແຮງໂດຍບໍ່ຫົວຊາຕໍ່ບັນດາສິ່ງທ້າທາຍທົ່ວໂລກ, ພິເສດ ແມ່ນຄວາມຫຍຸ້ງຍາກຈາກພາຍນອກ. ການເຕີບໂຕຂອງ ຫວຽດນາມ ໄດ້ຮັບການໜູນຊ່ວຍຈາກບັນດາຂົງເຂດອຸດສາຫະກຳ, ກໍ່ສ້າງ, ການບໍລິການ, ການສົ່ງອອກ, ການລົງທຶນໂດຍກົງຈາກຕ່າງປະເທດ (FDI), ການລົງທຶນສາທາລະນະ ແລະ ຄວາມຕ້ອງການບໍລິໂພກພາຍໃນ.”
ເວັບໄຊ Aquis Capital ຂອງສະວິດໄດ້ຕີລາຄາສູງຄວາມສາມາດຮັບມື ແລະ ຄຸນນະພາບໃນການເຕີບໂຕຢ່າງຮອບດ້ານຂອງ ເສດຖະກິດ ຫວຽດນາມ. ຕາມນັ້ນແລ້ວ, ກຳໄລວິສາຫະກິດເພີມຂຶ້ນພ້ອມກັບແຫຼ່ງເງິນລົງທຶນໂດຍກົງຈາກຕ່າງປະເທດ FDI ຢູ່ລະດັບສະຖິຕິພວມປັບປຸງຖານະບົດບາດຍຸດທະສາດຂອງ ຫວຽດນາມ ໃນລະບົບຕ່ອງໂສ້ການສະໜອງທົ່ວໂລກ.
