ບັນດານັກຊ່ຽວຊານໄດ້ກ່າວເຕືອນສະພາບອາກາດແດດຮ້ອນຢ່າງຮ້າຍແຮງພວມນາບຂູ່ພາກພື້ນ ເອີຣົບໃຕ້ ດ້ວຍລະດັບອຸນຫະພູມທີ່ໄດ້ຮັບການພະຍາກອນອາດຈະບັນລຸລະດັບປະຫວັດສາດ 50 ອົງສາ C. ໃນຊຸມວັນມໍ່ໆມານີ້, ຫຼາຍເຂດຢູ່ແອັດສະປາຍ ຖືກຜົນກະທົບດ້ວຍລະດັບອຸນຫະພູມຂຶ້ນເຖິງ 44 ອົງສາ C. ອາກາດແຫ້ງບວກກັບແດດກ້າແມ່ນສາເຫດທີ່ພາໃຫ້ເກີດໄຟໄໝ້ປ່າຢ່າງຮ້າຍແຮງໃນທົ່ວປະເທດ ແອັດສະປາຍ ແລະ ຝລັ່ງ, ເຮັດໃຫ້ນັບພັນຄົນຕ້ອງດຳເນີນການຍົກຍ້າຍໂດຍດ່ວນ. ຕາມຂໍ້ສັງເກດຂອງນັກຊ່ຽວຊານຫຼາຍທ່ານແລ້ວ, ອຸນຫະພູມໃນພາກພື້ນນີ້ ອາດຈະກາຍລະດັບ 50 ອົງສາ C ໃນທ້າຍລະດູຮ້ອນນີ້ ຫຼື ປີໜ້າ, ເມື່ອຖືກຜົນກະທົບຮ້ອນຂຶ້ນຈາກປະກົດການ El Nino ບັນລຸລະດັບຄວາມຮ້ອນສູງສຸດ.
ສ່ວນຢູ່ ຍີ່ປຸ່ນ ພວມຖືກປະເຊີນໜ້າກັບສະພາບອາກາດຮຸນແຮງທີ່ເປັນອັນຕະລາຍ ເມື່ອມີຫຼາຍເຂດເກີດມີອາກາດແດດຮ້ອນດ້ວຍລະດັບອຸນຫະພູມສູງສຸດແມ່ນ 38 ອົງສາ C ແຕ່ຢູ່ເຂດ Kanto – Koshin ຂອງ ຍີ່ປຸ່ນ ພັດຮັບຮູ້ມີບັນດາຫ່າຝົນຕົກໜັກ. ອົງການອຸຕຸນິຍົມ ຍີ່ປຸ່ນ ໄດ້ປະກາດຄຳແຈ້ງເຕືອນ “ຝົນຕົກໜັກລະດັບ 4” ໃນລະດັບແຈ້ງເຕືອນທັງໝົດ 5 ຂັ້ນຂອງ ຍີ່ປຸ່ນ ຢູ່ນະຄອນ Fukaya, ແຂວງ Saitama; ແຈ້ງເຕືອນຄວາມສ່ຽງເກີດນ້ຳຖ້ວມ ແລະ ດິນເຊາະເຈື່ອນຢູ່ຫຼາຍແຫ່ງ.
ນັກຂ່າວ VOV ປະຈຳ ຝລັ່ງ ແລະ ຍີ່ປຸ່ນ.
