ໝາກຜົນການກວດຄືນເອກະສານຄັ້ງໃຫຍ່ຕ້ອງຫັນເປັນການກະທຳນິຕິບັນຍັດ ແລະ ບໍລິຫານໃນທັນທີ. ນີ້ແມ່ນຄຳເນັ້ນໜັກຂອງທ່ານ ເຈິ່ນແທັງເໝີ້ນ, ປະທານສະພາແຫ່ງຊາດ ຫວຽດນາມ, ຫົວໜ້າຄະນະຊີ້ນຳການກວດຄືນລະບົບເອກະສານຂໍ້ກຳນົດກົດໝາຍ, ທີ່ວາລະປະຊຸມທີ 2 ຂອງຄະນະຊີ້ນຳ ເຊິ່ງດຳເນີນໃນຕອນເຊົ້າວັນທີ 26 ສິງຫາ, ຢູ່ ຮ່າໂນ້ຍ.
ກ່າວຄຳປາໄສທີ່ວາລະປະຊຸມ, ທ່ານປະທານສະພາແຫ່ງຊາດ ເຈິ່ນແທັງເໝີ້ນ ໃຫ້ຮູ້ວ່າ: ການກວດກາຄືນບັນດາເອກະສານຂໍ້ກຳນົດກົດໝາຍແມ່ນໜ້າທີ່ມີຂອບຂະໜາດໃຫຍ່ທີ່ສຸດ, ບໍ່ເຄີຍມີມາກ່ອນ, ດຳເນີນໃນເວລາສັ້ນໆ, ແຕ່ຮຽກຮ້ອງມີຄຸນນະພາບສູງ. ຄຸນນະພາບຂອງບົດລາຍງານຈະແມ່ນໄມ້ຫຼ້າວັດແທກ, ໜ້າທີ່ຄວາມຮັບຜິດຊອບຂອງຫົວໜ້າແຕ່ລະກະຊວງ, ຂະແໜງການ, ທ້ອງຖິ່ນ.
“ຈຸດປະສົງຂອງການກວດຄືນຄັ້ງໃຫຍ່ນີ້ບໍ່ແມ່ນການນັບຈຳນວນເອກະສານ, ຫາກແມ່ນການກວດກາໄລ່ລຽງຄຸນນະພາບລະບອບລະບຽບການແຫ່ງຊາດ, ຮັບໃຊ້ການສ້າງໂຄງປະກອບຄືນໃໝ່, ສ້າງລະບົບກົດໝາຍໃຫ້ສົມບູນແບບ, ສ້າງເຂດພັດທະນາໃໝ່. ບັນດາສິ່ງທີ່ສະພາແຫ່ງຊາດໄດ້ຕົກລົງ ຕ້ອງຈັດຕັ້ງປະຕິບັດແບບເຊື່ອມຕໍ່, ລຸລ່ວງ”.
ທ່ານປະທານສະພາແຫ່ງຊາດຖືວ່າ ເປົ້າໝາຍສຸດທ້າຍແມ່ນເຮັດໃຫ້ລະບົບກົດໝາຍກະທັດລັດກວ່າ, ແທ້ຈິງກວ່າ, ເຂົ້າໃຈງ່າຍ ແລະ ປະຕິບັດງ່າຍກວ່າ.
