ວາລະສານ Paris Match (ຝລັ່ງ) ສະບັບອອກຕົ້ນເດືອນ ກໍລະກົດ ມີບົດຂຽນໂຄສະນາກ່ຽວກັບ ຫວຽດນາມ ຄືດັ່ງສະຖານທີ່ເຕົ້າໂຮມຄວາມປະທັບໃຈຫຼາຍຢ່າງທີ່ແຕກຕ່າງກັນ. ຈາກ ດ່ານັ້ງ, ໂຮ້ຍອານ, ອ່າວ ຮະລອງ ຕະຫຼອດຮອດ ອຽນຕື… ບົດຂຽນໄດ້ວາດພາບ ຫວຽດນາມ ແມ່ນປະເທດມີທິວທັດທຳມະຊາດເປັນຫຼາຍຮູບຫຼາຍສີ, ເຂັ້ມຂຸ້ນໄປດ້ວຍສີສັນວັດທະນະທຳ ແລະ ນັບມື້ນັບດຶງດູດໃຈໃນແຜນທີ່ທ່ອງທ່ຽວສາກົນ.
ບົດຂຽນຕີລາຄາວ່າ ດ່ານັ້ງ ໄດ້ກາຍເປັນໜຶ່ງໃນບັນດາສູນກາງທ່ອງທ່ຽວໃຫຍ່ຂອງພາກກາງ, ດ້ວຍເຂດພັກຜ່ອນຕາກອາກາດ ແລະ ໂຮງແຮນຢູ່ລຽບຕາມແຄມທະເລເປັນຈຳນວນຫຼາຍ. ໃນຂະນະນັ້ນ, ແຫຼມເກາະ ເຊີນຈ່າ, ພົ້ນເດັ່ນຂອນດ້ວຍທິວທັດທຳມະຊາດຂອງເຂດປ່າ ແລະ ທະເລ. ເມື່ອຕີລາຄາກ່ຽວກັບ ໂຮ້ຍອານ, ວາລະສານ Paris Match ໃຫ້ຂໍ້ສັງເກດວ່າ ນະຄອນຮັກເກັບຮັກສາໄວ້ບັນດາເຮືອນເກົ່າ, ຈົ່ວເກົ່າ ພ້ອມກັບຂີດໝາຍຂອງທ່າກຳປັ່ນແລກປ່ຽນສິນຄ້າທີ່ຄັບຄາໜ້າແໜ້ນໃນອະດີດໄວ້ເກືອບເໝືອນເດີມ.
ເມື່ອຂຽນກ່ຽວກັບສະຖານທີ່ແຖວໜ້າທາງພາກເໜືອ, ວາລະສານ Paris Match ໃຫ້ຂໍ້ສັງເກດວ່າ ອ່າວ ຮະລອງ ຍັງແມ່ນທິດທັດທຳມະຊາດມີຊື່ສຽງທີ່ສຸດໃນໂລກ ດ້ວຍເກາະນັບພັນແຫ່ງ, ລະບົບຖ້ຳ ແລະ ທິວທັດທຳມະຊາດໃຫຍ່ໂຕມະໂຫຖານ. ສ່ວຍເຂດມໍລະກົດແຫ່ງຊາດ ອຽນຕື ຄືດັ່ງສ່ວນໜຶ່ງຂອງວັດທະນະທຳ - ຈິດວິນຍານທີ່ເປັນເອກະລັກສະເພາະ, ແຫ່ງທີ່ແຂກທ່ອງທ່ຽວສາມາດຊອກຫາໄດ້ບັນຍາກາດບໍລິສຸດຜຸດຜ່ອງຢູ່ທາງກາງເຂດພູພາປ່າໄມ້.
ຕາມວາລະສານນີ້ແລ້ວ, ກໍ່ຍ້ອນມີການປະສານສົມທົບລະຫວ່າງທຳມະຊາດ, ປະຫວັດສາດ, ມໍລະດົກ ແລະ ການດຳລົງຊີວິດຂອງປະຊາຊົນ ໄດ້ສ້າງບັນດາການປະພຶດມີກຳລັງດຶດດູດພິເສດຕໍ່ແຂກທ່ອງທ່ຽວສາກົນ.
