(ພາບ: Reuters)
ວັນທີ 30 ຕຸລາ, ກຳລັງ Houthi ນິຍົມ ອີຣານ ຖືກກ່າວຫາວ່າ ສືບຕໍ່ບຸກໂຈມຕີທຳນຽບປະທານາທິບໍດີ ເຢແມນ ແລະ ສະໜາມບິນສາກົນ Aden ຢູ່ນະຄອນຫຼວງຊົ່ວຄາວຂອງລັດຖະບານ ເຢເມນ ເຊິ່ງສາກົນໄດ້ຮັບຮອງ. ທ່ານ Majed Abdullah al-Nuzaili, ໂຄສົກກອງທັບ ເຢແມນ ໃຫ້ຮູ້ວ່າ ກຳລັງ Houthi ໄດ້ຍິງລູກສອນໄຟນຳວິຖີໃສ່ເຂດປະສົມທຳນຽບປະທານາທິບໍດີ (ພະລາຊະວັງ Maashiq) ແລະ ສະໜາມບິນສາກົນ Aden. ການບຸກໂຈມຕີດັ່ງກ່າວເກີດຂຶ້ນພາຍຫຼັງໜຶ່ງວັນສະໜາມບິນສາກົນ Aden ໄດ້ເປີດປະຕູຄືນໃໝ່ພາຍຫຼັງເວລາຢຸດຕິຊົ່ວຄາວ ເພື່ອສ້ອມແປງຍ້ອນການບຸກໂຈມຕີຂອງ Houthi ກ່ອນໜ້ານັ້ນ. ນີ້ແມ່ນການໂຈມຕີຄັ້ງທີສອງໃນຮອບເວລາສອງອາທິດຜ່ານມາ, Houthi ໄດ້ບຸກໂຈມຕີໃສ່ທຳນຽບ ປະທານາທິບໍດີ ເຢແມນ. ຈຳນວນຜູ້ເສຍຊີວິດ, ໄດ້ຮັບບາດເຈັບຍ້ອນການບຸກໂຈມຕີຂອງ Houthi ຍັງບໍ່ທັນໄດ້ປະກາດເທື່ອ.
