ລັດຖະມົນຕີ 2 ທ່ານໄດ້ເປັນເອກະພາບກັນກ່ຽວກັບຄວາມສຳຄັນຂອງເລື່ອງ ສືບຕໍ່ປຶກສາຫາລືລະຫວ່າງອາເມລິກາ - ຕວກກີ ຄືດັ່ງສ່ວນໜຶ່ງທີ່ສຳຄັນໃນແຜນການຖອນທະຫານ “ໂດຍເຈດຕະນາ ແລະ ສົມທົບ” ຂອງອາເມລິກາ ອອກຈາກຊີຣີ. ທ່ານລັດຖະມົນຕີການຕ່າງປະເທດ Mike Pompeo ໄດ້ເນັ້ນໜັກເຖິງຄຳໝັ້ນໝາຍຂອງອາເມລິກາ ໃນການແກ້ໄຂບັນດາຄວາມວິຕົກກັງວົນກ່ຽວກັບຄວາມໝັ້ນຄົງຂອງຕວກກີ ຢູ່ລຽບຕາມເຂດຊາຍແດນຕວກກີ - ຊີຣີ. ທ່ານ Mike Pompeo ກໍ່ເນັ້ນໜັກເຖິງຄວາມສຳຄັນຂອງເລື່ອງ ອາເມລິກາ ປ້ອງກັນກຳລັງບັນດາຫົວໜ່ວຍປ້ອງກັນຊາວ Kurd (YPG).
ໃນອາທິດກ່ອນ, ທີ່ປຶກສາດ້ານປ້ອງກັນຄວາມສະຫງົບແຫ່ງຊາດອາເມລິກາ John Bolton ໃຫ້ຮູ້ວ່າ, ອາເມລິກາ ຈະບໍ່ຖອນກຳລັງທະຫານອອກຈາກເຂດພາກເໜືອຊີຣີ ເວັ້ນເສຍເລື່ອງ ລັດຖະບານຕວກກີ ຮັບປະກັນວ່າ ເຂົາເຈົ້າຈະບໍ່ປຸກໂຈມຕີກຸ່ນຊາວ Kurd.
