 ທ່ານນາຍົກລັດຖະມົນຕີ ຟ້າມມິງຈິງ ໄດ້ມີການພົບປະກັບສະມຊິກສະພາສູງ ອາເມລິກາ |
ນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ຫວຽດນາມ ຖື ອາເມລິກາ ເປັນໜຶ່ງໃນບັນດາຄູ່ຮ່ວມມືສຳຄັນແຖວໜ້າ ແລະ ພ້ອມແລ້ວທີ່ຈະພ້ອມກັບ ອາເມລິກາ ຊຸກຍູ້ການພົວພັນຄູ່ຮ່ວມມືຮອບດ້ານໃຫ້ສືບຕໍ່ພັດທະນາບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ລະບອບການເມືອງຂອງກັນ. ທ່ານກໍຫວັງວ່າ ທ່ານປະທານຜູ້ປະຈຳການສະພາສູງ ອາເມລິກາ ຈະສືບຕໍ່ສ້າງແຮງບັນດານໃຈ ແລະ ກຳລັງໜູນເພື່ອໃຫ້ສະມາຊິກສະພາສູງລຸ້ນຕ່າງໆຂອງ ອາເມລິກາ ສືບຕໍ່ກິດຈະການແກ້ໄຂຜົນຮ້າຍຢ້ອນຫຼັງຈາກສົງຄາມ, ຈັດແບ່ງງົບປະມານເພື່ອແກ້ໄຂບໍລິເວນເຄັ່ງຮ້ອນກ່ຽວກັບ ດີໂອຊິນ, ລູກລະເບີດບໍ່ທັນແຕກ, ຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມ, ຊອກຫາ, ທ້ອນໂຮມອັດຖິທະຫານ ຫວຽດນາມ ທີ່ເສຍສະຫຼະຊີວິດໃນປາງສົງຄາມ… ຜ່ານນັ້ນປະກອບສ່ວນຊຸກຍູ້ການພົວພັນລະຫວ່າງສອງປະເທດໃຫ້ພັດທະນາຢ່າງເໝາະສົມກັບຄວາມມຸ່ງມາດປາດຖະໜາ ແລະ ຜົນປະໂຫຍດອັນຊອບທຳຂອງແຕ່ລະຝ່າຍ.
ບັນດາສະມາຊິກສະພາສູງ ກໍໄດ້ແບ່ງປັນກ່ຽວກັບອະນຸສອນຂອງຕົນກ່ຽວກັບປະເທດຊາດ ແລະ ຊາວ ຫວຽດນາມ ແລະ ສາຍພົວພັນ ຫວຽດນາມ - ອາເມລິກາ, ພ້ອມທັງຢັ້ງຢືນວ່າ ຈະສືບຕໍ່ຊຸກຍູ້ການພົວພັນລະຫວ່າງສອງປະເທດ ແລະ ແກ້ໄຂບັນຫາເຊິ່ງສອງຝ່າຍມີຄວາມສົນໃຈໃຫ້ມີປະສິດທິຜົນ, ກໍຄືສືບຕໍ່ຊຸກຍູ້ການພົວພັນຄູ່ຮ່ວມມືຮອບດ້ານ ຫວຽດນາມ - ອາເມລິກາ ພັດທະນາຢ່າງເລິກເຊິ່ງ, ກວ້າງຂວາງກວ່າອີກ.
