ວັນທີ 2 ກໍລະກົດ, ຫວຽດນາມ ແລະ ສະຫະສະມາຄົມ ການຄ້າເສລີ ເອີລົບ (EFTA)ໄດ້ປະກາດສິ້ນສຸດການເຈລະຈາສັນຍາການຄ້າເສລີ(FTA) ລະຫວ່າງສອງຝ່າຍຢ່າງເປັນທາງການ. ສັນຍາໄດ້ຮັບຄວາມມຸ່ງຫວັງຈະເປີດໄລຍະຮ່ວມມືໃໝ່, ຊຸກຍູ້ການຄ້າ, ການລົງທຶນ ແລະ ເປີດກວ້າງການຮ່ວມມືໃນຫຼາຍຂົງເຂດລະຫວ່າງ ຫວຽດນາມກັບ 4 ປະເທດສະມາຊິກ EFTA ລວມມີ: ສະວິດ, ນອກແວ, ອຽກລັງ ແລະ ເລັກເຕນສະເຕນ. ຕາມທ່ານ ຫງວຽນຊິງເຍິດເຕິນ ລັດຖະມົນຕີ ກະຊວງອຸດສາຫະກຳການຄ້າ ຫວຽດນາມ ແລ້ວ, ນີ້ແມ່ນສັນຍາການຄ້າເສລີຮອບດ້ານ, ທັນສະໄໝ, ກວມລວມໃນຫຼາຍຂົງເຂດຄືການຄ້າສິນຄ້າ, ການຄ້າການບໍລິການ, ກົດຂໍ້ກຳນົດຕົ້ນກຳເນີດ ແລະ ສ້າງຄວາມສະດວກດ້ານການຄ້າ.ສັນຍາມຸ່ງໄປເຖິງການລົບລ້າງ ຫຼືຫຼຸດຜ່ອນພາສີອາກອນ, ສ້າງສະພາບແວດລ້ອມແຫ່ງການດຳເນີນທຸລະກິດທີ່ເປັນປົກກະຕິ, ໂປ່ງໃສ ແລະ ອາດສາມາດຄາດຄະເນໄດ້, ພ້ອມທັງຊຸກຍູ້ການພັດທະນາແບບຍືນຍົງ.
