ວັນທີ 14 ກໍລະກົດ, ຢູ່ສຳນັກງານລັດຖະບານ, ກ່າວຄຳເຫັນທີ່ການຕ້ອນຮັບທ່ານ ລິນຄໍາ ດວງສະຫວັນລັດຖະມົນຕີກະຊວງກະສິກຳ ແລະ ສິ່ງແວດລ້ອມ ລາວ , ທ່ານ ຟ້າມຢາຕຸກ ຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມຖືວ່າ ກະຊວງກະສິກຳ ແລະ ສິ່ງແວດລ້ອມ ຫວຽດນາມ ແລະ ລາວຄວນເພີ່ມທະວີການປະສານສົມທົບຜັນຂະຫຍາຍບັນດາຂໍ້ຕົກລົງຂັ້ນສູງຢ່າງມີປະສິດທິຜົນ, ແບ່ງປັນບົດຮຽນປະສົບການສ້າງນະໂຍບາຍ, ໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດ, ຫັນປ່ຽນວິທະຍາສາດເຕັກໂນໂລຢີ, ຮ່ວມມືໃນຂົງເຂດການປູກຝັງ, ລ້ຽງສັດ, ເຄື່ອງປາຂອງດົງ, ຊົນລະປະທານ, ຄວບຄຸມແຫຼ່ງຊັບພະຍາກອນນ້ຳ, ປົກປັກຮັກສາສິ່ງແວດລ້ອມ, ພັດທະນາລະບົບມູນຄ່າການປຸງແຕ່ງ, ເພີ່ມທະວີມຸນຄ່າແຮ່ທາດຢູ່ ລາວ. ພ້ອມທັງ, ຊຸກຍູ້ການຄ້າຂາຍຜະລິດຕະພັນກະເສດ ແລະ ສ້າງເງື່ອນໄຂສະດວກເໝາະສົມກັບຄວາມຕ້ອງການ ແລະ ເງື່ອນໄຂພັດທະນາເພື່ອໃຫ້ປະຊາຊົນສອງປະເທດຕ່າງຝ່າຍໄດ້ຮັບຜົນປະໂຫຍດຈາກວິວັດການຮ່ວມມື.
ສ່ວນທ່ານ ລິນຄໍາ ດວງສະຫວັນ ໃຫ້ຄຳໝັ້ນສັນຍາສືບຕໍ່ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ ຫວຽດນາມ ໄດ້, ພວມ ແລະ ຈະລົງທຶນຢູ່ ລາວ, ທ່ານສະແດງຄວາມປາດຖະໜາຢາກການນຳພັກ, ລັດ, ລັດຖະບານ ຫວຽດນາມ… ສືບຕໍ່ເອົາໃຈໃສ່, ຊີ້ນຳການຫັນບັນດາຂໍ້ຕົກລົງຂັ້ນສູງ, ໝາກຜົນຂອງກອງປະຊຸມຄັ້ງທີ 48 ຄະນະກຳມະການຮ່ວມມືທະວີພາຄີ ລະຫວ່າງສອງລັດຖະບານ ຫວຽດນາມ - ລາວໃຫ້ປະກົດຜົນເປັນຈິງ, ສະໜັບສະໜູນເພື່ອໃຫ້ສອງກະຊວງກະສິກຳ ແລະ ສິ່ງແວດລ້ອມ ຫວຽດນາມ - ລາວ ຜັນຂະຫຍາຍບັນດາໂຄງການ, ກິດຈະກຳຮ່ວມມືລະຫວ່າງສອງກະຊວງຢ່າງມີປະສິດທິຜົນ, ປະກອບສ່ວນນຳການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ, ຫຸ້ນສ່ວນຍຸດທະສາດ ຫວຽດນາມ - ລາວ ເຂົ້າສູ່ລວງເລິກໃນໄລຍະຈະມາເຖິງ.
