ຈາກບັນດາຄຸ້ມຖະໜົນທີ່ມີຄຶກຄື້ນໄປດ້ວຍລົດຈັກໄປມາຢູ່ ຮ່າໂນ້ຍ, ບັນດາສາຍພູຫີນປູນທີ່ໃຫຍ່ໂຕມະໂຫຖານຂອງ ອ່າວຮະລອງ ຕະຫຼອດຮອດຄວາມງາມແບບງຽບສະຫງົບຂອງເມືອງເກົ່າ ເຫວ້ ແລະ ບັນດາເຍື່ອງອາຫານແຄມທາງທີ່ມີລົດຊາດແຊບນົວນັ້ນ, ຫວຽດນາມ ນັບມື້ນັບຢັ້ງຢືນໄດ້ຖານະບົດບາດແມ່ນໜຶ່ງໃນບັນດາຈຸດໝາຍປາຍທາງທີ່ດູດດື່ມທີ່ສຸດໃນອາຊີ ໃນສາຍຕາແຂກທ່ອງທ່ຽວສາກົນ. ບໍ່ພຽງແຕ່ມີຄວາມດູດດື່ມຍ້ອນທັດສະນີຍະພາບ ແລະ ມໍລະດົກເທົ່ານັ້ນ, ຫວຽດນາມ ຍັງພິຊິດແຂກທ່ອງທ່ຽວດ້ວຍອາຫານການກິນທີ່ຫຼາກຫຼາຍອີກດ້ວຍ. ຕາມໜັງສືພິມ La Voix du Nord ແລ້ວ, ນີ້ແມ່ນໜຶ່ງໃນບັນດາສາຍເຫດສຳຄັນທີ່ສຸດເຮັດໃຫ້ແຂກທ່ອງທ່ຽວຫຼາຍຄົນເລືອກ ຫວຽດນາມເປັນປະເທດມາທ່ອງທ່ຽວ. ໜັງສືພິມດັ່ງກ່າວກໍຕີລາຄາສູງຄວາມເປັນມິດ, ຄວາມສະໜິດສະໜົມ, ຮັກແພງແຂກຄົນ ແລະ ຄວາມເກົ້າອົດເກົ້າເຍື້ອນຂອງຊາວ ຫວຽດນາມ ອີກດ້ວຍ.
