ກອງປະຊຸມຖືກຈັດຂຶ້ນຕາມຮູບແບບເຊິ່ງໜ້າຢູ່ ອິນໂດເນເຊຍ ດ້ວຍການເຂົ້າຮ່ວມຂອງ 10 ປະເທດ ອາຊຽນ ແລະ ຄະນະເລຂາ ອາຊຽນ ແລະ ສົມທົບກັບຮູບແບບທາງໄກ ເຊື່ອມຕໍ່ກັບບັນດາຜູ້ແທນຢູ່ບັນດາປະເທດ ອາຊຽນ, ສ.ເກົາຫຼີ.

ທ່ານ ຈ້ຽວມິງລອງ, ຫົວໜ້າກົມຮ່ວມມືສາກົນ, ກະຊວງຖະແຫຼງຂ່າວ ແລະ ການສື່ສານ, ຮອງປະທານກອງປະຊຸມເຈົ້າໜ້າທີ່ອາວຸໂສ ຮັບຜິດຊອບຂໍ້ມູນກ່ຽວກັບ ອາຊຽນ (ພາບ: ictvietnam)
ກອງປະຊຸມດັ່ງກ່າວລວມມີ 2 ວາລະປຶກສາຫາລືຄົບຄະນະດ້ວຍຫົວຂໍ້ “55 ປີ ແຫ່ງການເພີ່ມທະວີສະຕິຄວາມຮັບຮູ້ ແລະ ພັດທະນາສີສັນ ອາຊຽນ” ແລະ “ເພີ່ມທະວີສີສັນ ອາຊຽນ ຜ່ານການຮ່ວມມື”, ປຶກສາຫາລືກ່ຽວກັບບັນດາຄວາມມານະພະຍາຍາມເພື່ອຍົກສູງສະຕິຄວາມຮັບຮູ້ກ່ຽວກັບ ອາຊຽນ ແລະ ເພີ່ມທະວີສີສັນ ອາຊຽນ, ພ້ອມທັງສຶກສາຄວາມສາມາດບົ່ມຊ້ອນຮ່ວມມືກັບ ສ.ເກົາຫຼີ ໃນຂົງເຂດນີ້.

ເຂົ້າຮ່ວມກອງປະຊຸມຈາກສະຖານທີ່ເຊື່ອມຕໍ່ ຫວຽດນາມ, ທ່ານ ຈ້ຽວມິງລອງ, ຫົວໜ້າກົມຮ່ວມມືສາກົນ, ກະຊວງຖະແຫຼງຂ່າວ ແລະ ການສື່ສານ, ຮອງປະທານກອງປະຊຸມເຈົ້າໜ້າທີ່ອາວຸໂສ ຮັບຜິດຊອບຂໍ້ມູນກ່ຽວກັບ ອາຊຽນ (SOMRI), ຖືວ່າ ໃນສະພາບການປັດຈຸບັນ, ຕ້ອງໝູນໃຊ້ທ່າແຮງຂອງເຕັກໂນໂລຢີເຕັກນິກດີຈີຕອນ ເພື່ອຊຸກຍູ້ຄວາມຮັບຮູ້ກ່ຽວກັບ ອາຊຽນ ແລະ ສີສັນ ອາຊຽນ.