 ທ່ານຟານແອັງເຊີນ, ຮອງປະທານ - ເລຂາທິຫານໃຫຍ່ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ຫົວໜ້າຄະນະຈັດຕັ້ງກອງປະຊຸມສະມັດຊາໃຫຍ່ ສັນຕິພາບ ໂລກ ຄັ້ງທີ 22 |
ກອງປະຊຸມດັ່ງກ່າວມີການເຂົ້າຮ່ວມຂອງການນຳຂັ້ນສູງພັກ ແລະ ລັດຫວຽດນາມ, ການນຳບັນດາກະຊວງ, ຄະນະ, ຂະແໜງການຂັ້ນສູນກາງ ແລະ ທ້ອງຖິ່ນ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ຄະນະກຳມະການສັນຕິພາບ ຫວຽດນາມ. ທີ່ກອງປະຊຸມ ບັນດາຜູ້ແທນ ຫວຽດນາມ ແລະ ໂລກ ຈະປຶກສາຫາລື, ຕີລາຄາສະພາບການສັນຕິພາບ, ຄວາມໝັ້ນຄົງໃນໂລກ, ພິເສດແມ່ນບັນດາການຜັນແປໃໝ່ໃນບັນຫາຄວາມໝັ້ນຄົງແບບເກົ່າ ແລະ ແບບໃໝ່, ກໍ່ຄືບັນດາບັນຫາໃໝ່ກ່ຽວກັບສິ່ງທ້າທາຍຕໍ່ສະພາບແວດລ້ອມແຫ່ງສັນຕິພາບ, ສະຖຽນລະພາບໃນທົ່ວໂລກ. ທ່ານຟານແອັງເຊີນ, ຮອງປະທານ - ເລຂາທິຫານໃຫຍ່ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ຫົວໜ້າຄະນະຈັດຕັ້ງກອງປະຊຸມສະມັດຊາໃຫຍ່ ສັນຕິພາບ ໂລກ ຄັ້ງທີ 22, ກ່າວຄຳເຫັນຕໍ່ນັກຂ່າວໃນຕອນເຊົ້າວັນທີ 18 ພະຈິກວ່າ:
ການຈັດຕັ້ງກອງປະຊຸມແມ່ນໂອກາດເພື່ອໃຫ້ ຫວຽດນາມ ສະແດງຄວາມຮູ້ບຸນຄຸນຕໍ່ເພື່ອນມິດສາກົນ, ບັນດາອົງການຈັດຕັ້ງສາກົນ, ຂະບວນການສັນຕິພາບ… ບັນດາຜູ້ທີ່ໄດ້ສະໜັບສະໜູນ ຫວຽດນາມ ໃນການຕໍ່ສູ້ ຕ້ານລ່າເມືອງຂຶ້ນຝລັ່ງ ແລະ ຈັດກະພັດອາເມລິກາ ຂອງສະຕະວັດທີ 20 ເພື່ອຍາດເອົາເອກະລາດແຫ່ງຊາດ ແລະ ທ້ອນໂຮມປະເທດຊາດເປັນເອກະພາບ. ກອງປະຊຸມກໍ່ແມ່ນໂອກາດເພື່ອແນະນຳໃຫ້ເພື່ອນມິດສາກົນ ກ່ຽວກັບປະເທດຊາດ ແລະ ຊາວຫວຽດນາມ, ຂະບວນວິວັດການ 35 ປີແຫ່ງການປ່ຽນແປງໃໝ່ຂອງ ຫວຽດນາມ.
