 (ພາບປະກອບ: TTXVN) |
ນະທີ່ນີ້, ທ່ານພົນເອກ ຟານວັນຢາງ ຢັ້ງຢືນວ່າ ການພົວພັນສອງຝ່າຍໄດ້ຮັບການປັບປຸງ ແລະ ພັດທະນາຢ່າງບໍ່ຢຸດຢັ້ງໃນຫຼາຍຂົງເຂດຄື: ການເມືອງ, ເສດຖະກິດ, ການປ້ອງກັນຊາດ - ປ້ອງກັນຄວາມສະຫງົບ, ວັດທະນະທຳ, ວິທະຍາສາດເຕັກນິກ… ໃນສະພາບການລວມຂອງການພົວພັນສອງປະເທດ, ການຮ່ວມມືທາງດ້ານປ້ອງກັນຊາດຍາມໃດກໍແມ່ນຂົງເຂດໄດ້ຮັບຄວາມເອົາໃຈໃສ່ຊຸກຍູ້. ທ່ານພົນເອກ ຟານວັນຢາງ ເຊື່ອໝັ້ນວ່າ ໃນໄລຍະຈະມາເຖິງ, ການພົວພັນດ້ານປ້ອງກັນຊາດລະຫວ່າງ ຫວຽດນາມ - ຝລັ່ງ ຈະສືບຕໍ່ໄດ້ຮັບການຊຸກຍູ້, ນັບມື້ນັບມີປະສິດທິຜົນ, ແທດຈິງ ໂດຍອີງໃສ່ພື້ນຖານຄວາມເໝາະສົມກັບຄວາມຕ້ອງການ ແລະ ເງື່ອນໄຂຕົວຈິງຂອງແຕ່ລະຝ່າຍ.
ທ່ານນາງ Alice Guitton ປາຖະໜາວ່າ ໃນໄລຍະຈະມາເຖິງ ກະຊວງປ້ອງກັນປະເທດ ຝລັ່ງ ແລະ ກະຊວງປ້ອງກັນປະເທດ ຫວຽດນາມ ຈະສືບຕໍ່ຊຸກຍູ້ການຮ່ວມມືໃນບັນດາຂົງເຂດ ເຊິ່ງສອງຝ່າຍໄດ້ເຫັນດີເປັນເອກະພາບໃນການສົນທະນາຍຸດທະສາດ ແລະ ການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ - ຝລັ່ງ ຄັ້ງທີ 2, ໂດຍສະເພາະແມ່ນທ່າແຮງ ເຊິ່ງສອງຝ່າຍມີຄວາມຕ້ອງການ.
ໃນຕອນບ່າຍຂອງວັນດຽວກັນ, ທ່ານພົນໂທ ຮວ່າງຊວັນຈ໊ຽນ, ຮອງລັດຖະມົນຕີກະຊວງປ້ອງກັນປະເທດ ແລະ ທ່ານນາງ Alice Guitton ຫົວໜ້າກົມໃຫຍ່ພົວພັນສາກົນ ແລະ ຍຸດທະສາດ, ກະຊວງປ້ອງກັນປະເທດ ຝລັ່ງ ໄດ້ເປັນປະທານຮ່ວມການສົນທະນາຍຸດທະສາດ ແລະ ການຮ່ວມມືດ້ານປ້ອງກັນຊາດ ຫວຽດນາມ - ຝລັ່ງຄັ້ງທີ 2.
