ຕອນບ່າຍວັນທີ 9 ຕຸລາ, ພາຍຫຼັງພິທີຕ້ອນຮັບຢ່າງສົມກຽດຢູ່ວັງສັນຕິພາບ ທີ່ນະຄອນຫຼວງ ພະນົມເປັນ, ກຳປູເຈຍ, ທ່ານນາຍົກລັດຖະມົນຕີ ຫວຽດນາມ ເລມິງຮຶງ ແລະ ທ່ານນາຍົກລັດຖະມົນຕ ລາຊະອານາຈັກ ກຳປູເຈຍ ໄດ້ດຳເນີນການໂອ້ລົມເຈລະຈາ.
ທີ່ການໂອ້ລົມເຈລະຈາ, ນາຍົກລັດຖະມົນຕີ ສອງທ່ານໄດ້ເຫັນດີເປັນເອກະພາບຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ຢ່າງມີປະສິດທິຜົນ, ເສີມຂະຫຍາຍບົດບາດຂອງບັນດາກົນໄກຮ່ວມມືສອງຝ່າຍ, ສ້າງພື້ນຖນາອັນໝັ້ນແກ່ນເພື່ອນຳການພົວພັນສອງປະເທດ ໃຫ້ພັດທະນາເປັນປົກກະຕິ, ແທ້ຈິງ ແລະ ຍືນຍົງ. ນາຍົກລັດຖະມົນຕີສອງທ່ານກໍ່ເຫັນດີເປັນເອກະພາບເພີ່ມທະວີການຮ່ວມມື, ປະສົມປະສານຢ່າງແໜ້ນແຟ້ນໃນການຮັບປະກັນຄວາມໝັ້ນຄົງ, ຄວາມປອດໄພທາງສັງຄົມ ຢູ່ແຕ່ລະປະເທດ.
ກ່ຽວກັບການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ສອງຝ່າຍເຫັນດີເປັນເອກະພາບສູ້ຊົນນຳວົງເງິນການຄ້າສອງຝ່າຍຂຶ້ນເປັນ 20 ຕື້ USD ໃນໄລຍະຈະມາເຖິງ. ສອງຝ່າຍຈະປະສານສົມທົບຈັດບັນດາການເຄື່ອນໄຫວໃນຂອບເຂດປີມິດຕະພາບ ຫວຽດນາມ - ກຳປູເຈຍ 2027, ສະເຫຼີມສະຫຼອງ 60 ປິແຫ່ງວັນສ້າງຕັ້ງສາຍພົວພັນທາງການທູດ ລະຫວ່າງສອງປະເທດ (24/6/1967-24/6/2027).
ພາຍຫຼັງການໂອ້ລົມເຈລະຈາ, ທ່ານນາຍົກລັດຖະມົນຕີ ເລມິງຮຶງ ແລະ ທ່ານນາຍົກລັດຖະມົນຕີ Hun Manet ເປັນສັກຂີພິຍານພິທີມອບຮັບເອກະສານຮ່ວມມືສອງຝ່າຍ 6 ສະບັບກ່ຽວກັບບັນດາຂົງເຂດການປ້ອງກັນຄວາມໝັ້ນຄົງ, ການປ້ອງກັນຕ້ານຢາເສັບຕິດ, ການຄ້າ, ວັດທະນະທຳ, ການສຶກສາ ແລະ ບຳລຸງສ້າງ.
ແຕ່ບ່າຍວັນດຽວກັນ, ທ່ານນາຍົກລັດຖະມົນຕີ ເລມິງຮຶງ ແລະ ທ່ານນາຍົກລັດຖະມົຕນີ ກຳປູເຈຍ Hun Manet ໄດ້ເປັນປະທານຮ່ວມເວທີປາໄສວິສາຫະກິດ ຫວຽດນາມ - ກຳປູເຈຍ 2026. ຢູ່ເວທີປາໄສ, ທ່ານນາຍົກລັດຖະມົນຕີ ເລມິງຮຶງ ສະເໜີ:
ສອງລັດຖະບານສືບຕໍ່ສຳຫຼວດກວດກາ, ຫັນລະບຽບການລົງທຶນ, ທີ່ດິນ, ການເຂົ້າອອກເມືອງ, ພາສີອາກອນ ແລະ ການກັກກັນພະຍາດ ເປັນງ່າຍດາຍ; ຮັກສາກົນໄກໂອ້ລົມສົນທະນາເປັນປະຈຳລະຫວ່າງລັດຖະບານ ແລະ ວິສາຫະກິດສອງປະເທດຢ່າງໜ້ອຍສຸດປີລະເທື່ອ ເພື່ອແກ້ໄຂທຸກຂໍ້ຂັດແຍ້ງຢ່າງທັນການ. ສຸມໃສ່ໃຫ້ບຸລິມະສິດພັດທະນາເຄືອຂ່າຍເສັ້ນທາງຄວາມໄວສູງ, ເສັ້ນທາງລົດໄຟ ແລະ ເສັ້ນທາງນ້ຳພາຍໃນ; ຍູ້ໄວຄວາມຄືບໜ້າໃນການກໍ່ສ້າງເສັ້ນທາງຄວາມໄວສູງ ນະຄອນ ໂຮ່ຈີມິນ - ມົກບ່າຍ - ບາເວດ - ພະນົມເປັນ…
