ນີ້ແມ່ນການຢືນຢັນຂອງ ທ່ານປະທານສະພາແຫ່ງຊາດ ຫວຽດນາມ ເວືອງດິ້ງເຫວະ ໃນຕອນບ່າຍວັນທີ 14 ພະຈິກ, ຢູ່ຫໍສະພາແຫ່ງຊາດ, ໃນການພົບປະແລກປ່ຽນຄຳຄິດຄຳເຫັນກັບ ທ່ານນາຍົກລັດຖະມົນຕີ ນິວຊີແລນ Jacinda Arden, ເນື່ອງໃນໂອກາດຢ້ຽມຢາມ ຫວຽດນາມ ຢ່າງເປັນທາງການ ຕາມຄຳເຊີນຂອງທ່ານ ນາຍົກລັດຖະມົນຕີ ຫວຽດນາມ ຟ້າມມິງຈິ້ງ.
 ທ່ານປະທານສະພາແຫ່ງຊາດ ຫວຽດນາມ ເວືອງດິ້ງເຫວະ ຕ້ອນຮັບທ່ານນາຍົກລັດຖະມົນຕີ ນິວຊີແລນ Jacinda Arden (ພາບ:VOV) |
ທ່ານປະທານສະພາແຫ່ງຊາດ ເວືອງດິ້ງເຫວະ ຫວັງວ່າ ລັດຖະບານ ນິວຊີແລນ ຈະໃຫ້ຄວາມສຳຄັນເພີ່ມທະວີການພົວພັນລະຫວ່າງສອງອົງການນິຕິບັນຍັດ; ເພີ່ມທະວີການແລກປ່ຽນຄະນະຜູ້ແທນບັນດາຂັ້ນ ແລະ ບັນດາຊຶອງທາງ, ໃນນັ້ນມີຊ່ອງທາງສະພາແຫ່ງຊາດ; ເສີມຂະຫຍາຍບົດບາດຂົວເຊື່ອມຕໍ່ ຂອງບັນດາສະມາຄົມມິດຕະພາບ ແລະ ບັນດາກຸ່ມສະມາຊິກລັດຖະສະພາມິດຕະພາບ ລະຫວ່າງສອງປະເທດຂຶ້ນກວ່າເກົ່າ… ຍູ້ແຮງການຜັນຂະຫຍາຍບັນດາເອກະສານທີ່ໄດ້ລົງນາມ, ໃນນັ້ນມີ ໂຄງການປະຕິບັດຜັນຂະຫຍາຍການພົວພັນຄູ່ຮ່ວມມືຍຸດທະສາດ ຫວຽດນາມ-ນິວຊີແລນ ໄລຍະ 2021-2024.
ທ່ານນາຍົກລັດຖະມົນຕີ ນິວຊີແລນ Jacinda Arden ຢືນຢັນວ່າ: ສຳລັບຄວາມເຄັ່ງຕຶງດ້ານຍຸດທະສາດໃນພາກພື້ນ, ການເຄົາລົບກົດໝາຍສາກົນກໍ່ຄືບັນດາກົດບັນຍັດສາກົນ ແມ່ນໜຶ່ງໃນບັນດາບັນຫາສຳຄັນ ແລະ ຈຳເປັນຕ້ອງສືບຕໍ່ເຈລະຈາ, ໂອ້ລົມສົນທະນານຳກັນເພື່ອແກ້ໄຂ ຢ່າງສັນຕິວິທີ.
