ຕອນບ່າຍວັນທີ 13 ສິງຫາ (ຕາມເວລາທ້ອງຖິ່ນ), ຢູ່ມະຫາວິທະຍາໄລເຕັກໂນໂລຊີ Auckland, ນະຄອນ Auckland, ທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ພ້ອມກັບຄະນະຜູ້ແທນຂັ້ນສູງ ຫວຽດນາມ ໄດ້ເຂົ້າຮ່ວມເວທີປາໄສການສຶກສາຂັ້ນມະຫາວິທະຍາໄລ ແລະ ການສຶກສາວິຊາຊີບ ຫວຽດນາມ-ນິວຊີແລນ ປີ 2026 ດ້ວຍຫົວຂໍ້ “ສ້າງອະນາຄົດລວມ: ຜູ້ມີຄວາມເກັ່ງກ້າສາມາດ, ນະວັດຕະກຳ ແລະ ທັກສະໃຫ້ແກ່ອະນາຄົດ”.
ກ່າວຄຳເຫັນນະທີ່ນີ້, ທ່ານເລຂາທິການໃຫຍ່ ປະທານປະເທດ ໂຕເລິມ ໃຫ້ຮູ້ວ່າ:
ຊຸກຍູ້ການຮ່ວມມືຄົ້ນຄ້ວາ, ນະວັດຕະກຳ ແລະ ຖ່າຍທອດພູມປັນຍາ. ບັນດາມະຫາວິທະຍາໄລ ແລະ ສະຖາບັນຄົ້ນຄ້ວາຕ້ອງກາຍເປັນສູນປະດິດຄິດສ້າງພູມປັນຍາ, ເຊື່ອມຕໍ່ວິສາຫະກິດ ແລະ ແກ້ໄຂບັນດາບັນຫາພັດທະນາ, ສ້າງບັນດາກຸ່ມຄົ້ນຄ້ວາລວມ, ຫຼັກສູດແນະນຳນັກຄົ້ນຄ້ວາປະລິນຍາເອກຮ່ວມກັນ, ໂຄງການນະວັດຕະກຳ ແລະ ກົນໄກນຳໝາກຜົນການຄົ້ນຄ້ວາເຂົ້າສູ່ຕົວຈິງ. ເພີ່ມທະວີການຮ່ວມມືດ້ານການສຶກສາວິຊາຊີບ ແລະ ພັດທະນາທັກສະ.
ໃນວັນດຽວກັນ, ໃນຂອບເຂດການຢ້ຽມຢາມ ນິວຊີແລນ ທາງລັດທະກິດຂອງ ທ່ານເລຂາທິການໃຫຍ່ ປະທານປະເທດ ໂຕເລິມ, ທ່ານ ເລຮ່ວາຍຈຸງ ລັດຖະມົນຕີການຕ່າງປະເທດ ຫວຽດນາມ ໄດ້ພ້ອມກັບທ່ານ Winston Peters ລັດຖະມົນຕີການຕ່າງປະເທດ ນິວຊີແລນ ໄດ້ເປັນປະທານຮ່ວມກອງປະຊຸມລັດຖະມົນຕີການຕ່າງປະເທດ ຫວຽດນາມ - ນິວຊີແລນ ຄັ້ງທີ 4(FMM-4).
