ວັນທີ 11 ພຶດສະພາ, ຢູ່ຮ່າໂນ້ຍ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ໄດ້ໂອ້ລົມທາງໂທລະສັບກັບທ່ານປະທານາທິບໍດີ ສະຫະພັນ ສະວິດ Guy Parmelin. ທ່ານເລຂາທິການໃຫຍ່, ປະທານປະເທດ ໂຕເລິມ ຊີ້ແຈ້ງວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບ ແລະ ການຮ່ວມມືໃນຫຼາຍດ້ານກັບສະວິດ; ທ່ານປາດຖະໜາຢາກສອງຝ່າຍສືບຕໍ່ສົມທົບກັນຢ່າງແໜ້ນແຟ້ນ, ຜັນຂະຫຍາຍຢ່າງມີປະສິດທິຜົນ ແລະ ເຮັດໃຫ້ການພົວພັນຄູ່ຮ່ວມມືຮອບດ້ານທີ່ໄດ້ສ້າງຕັ້ງເມື່ອເດືອນມັງກອນປີ 2025 ເລິກເຊິ່ງກວ່າອີກ. ທ່ານເລຂາທິການໃຫຍ່,ປະທານປະເທດ ໂຕເລິມ ຢັ້ງຢືນ ຫວຽດນາມ ຖືສະວິດເປັນໜຶ່ງໃນບັນດາຄູ່ຮ່ວມມືແຖວໜ້າຂອງ ຫວຽດນາມ ຢູ່ເອີລົບ ແລະ ປາດຖະໜາຢາກໃຫ້ສະວິດສືບຕໍ່ເປັນເພື່ອນຮ່ວມເດີນທາງທີ່ໄວ້ເນື້ອເຊື່ອໃຈໃນສັງກາດພັດທະນາໃໝ່ຂອງ ຫວຽດນາມ.
ສ່ວນທ່ານປະທານາທິບໍດີ Guy Parmelin ເນັ້ນໜັ້ກວ່າຜົນສຳເລັດໃນການພັດທະນາໂດຍໄວ ແລະ ຮອບດ້ານຂອງ ຫວຽດນາມ ໄດ້ສ້າງຄວາມປະທັບໃຈຢ່າງແຮງຕໍ່ໂລກ, ທ່ານຢັ້ງຢືນສະວິດຍາມໃດກໍ່ຖືເປັນສຳຄັນ ແລະ ປາດຖະໜາຢາກສືບຕໍ່ເພີ່ມທະວີການພົວພັນຮ່ວມມືກັບ ຫວຽດນາມ ໃນໄລຍະໃໝ່.
