ວັນທີ 19 ສິງຫາ,ຢູ່ສຳນັກງານ ສປຊ ຢູ່ນະຄອນ ນິວຢອກ, ອາເມລິກາ, ສະພາຄວາມໝັ້ນຄົງ ສປຊ ໄດ້ຈັດວາລະປຶກສາຫາລືເປີດກ່ຽວກັບແບບວິທີການເຮັດວຽກໂດຍແດນມາກເປັນເຈົ້າພາບ. ກອງປະຊຸມມີການເຂົ້າຮ່ວມຂອງບັນດາປະເທດສະມາຊິກ ສະພາຄວາມໝັ້ນຄົງສປຊ ແລະ ບັນດາປະເທດສະມາຊິກ ສປຊ ເປັນຈຳນວນຫຼາຍ.
ກ່າວຄຳເຫັນທີ່ວາລະປະຊຸມ, ທ່ານອັກຄະລັດຖະທູດ ຫງວຽນຫ໋າຍລຶວ ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ, ເນັ້ນນັກວ່າ ການປັບປຸງແບບວິທີການເຮັດວຽກແມ່ນຄວາມຮຽກຮ້ອງຕ້ອງການທີ່ຈຳເປັນເພື່ອແນໃສ່ຍົກສູງປະສິດທິຜົນ, ອິດທິພົນຊື່ສຽງ ແລະ ຄວາມສາມາດຮັບມືຂອງສະພາຄວາມໝັ້ນຄົງ ສປຊ ກັບບັນດາວິກິດການໃນສະພາບການປັດຈຸບັນ. ຫວຽດນາມ ເນັ້ນໜັກວ່າສະພາຄວາມໝັ້ນຄົງ ສປຊ ຕ້ອງຟື້ນຟູແກ້ໄຂຈຸດອຸດຕັນກ່ຽວກັບການປະຕິບັດລະບຽບການບໍລິຫານ, ເພີ່ມທະວີລັກສະນະໂປ່ງໃສຜ່ານການໂອ້ລົມສົນທະນາຢ່າງແທ້ຈິງ, ໃຫ້ຄຳປຶກສາຕໍ່ບັນດາປະເທດສະມາຊິກ ສະພາຄວາມໝັ້ນຄົງ ສປຊ ຢ່າງທັນການ ແລະ ເປັນປະຈຳ, ເປັນຕົ້ນແມ່ນໃນວິວັດການເລືອກຕັ້ງເລຂາທິການໃຫຍ່, ສ້າງເງື່ອນໄຂເພື່ອໃຫ້ທຸກປະເທດສະມາຊິກ ສະພາຄວາມໝັ້ນຄົງ ສປຊ ເສີມຂະຫຍາຍໄດ້ບົດບາດເປັນປະທານ, ສ້າງບັນດາເອກະສານຂອງສະພາຄວາມໝັ້ນຄົງ ສປຊ, ກໍ່ຄືຮັບປະກັນການເຂົ້າຮ່ວມທີ່ເໝາະສົມສຳລັບ ບັນດາປະເທດທີ່ມີສ່ວນກ່ຽວຂ້ອງໂດຍກົງເຖິງ ວິວັດການປຶກສາຫາລື ແລະ ຮຽບຮຽງເອກະສານ. ຫວຽດນາມ ກໍ່ເນັ້ນໜັກວ່າການປັບປຸງແບບວິທີການເຮັດວຽກຕ້ອງໄດ້ຖືໃນຄວາມມານະພະຍາຍາມສັງລວມກ່ຽວກັບການປັບປຸງສະພາຄວາມໝັ້ນຄົງ ສປຊ, ມຸ່ງໄປເຖິງກົນໄກທີ່ມີລັກສະນະຕາງໜ້າ, ມີປະສິດທິຜົນສູງກວ່າ ແລະ ຕອບສະໜອງພຶດຕິກຳຕົວຈິງສາກົນໄດ້ເປັນຢ່າງດີກວ່າ.
