ກອງປະຊຸມລັດຖະມົນຕີພະລັງງານ APEC ຄັ້ງທີ 16 (EMM-16) ໄດ້ດຳເນີນໃນວັນທີ 10 – 11 ກັນຍາ ຢູ່ນະຄອນຫຼວງ ປັກກິ່ງ, ປະເທດ ຈີນ. ກອງປະຊຸມຄັ້ງນີ້ມີຫົວຂໍ້ “ສ້າງປະຊາຄົມພະລັງງານ ອາຊີ - ປາຊີຟິກ ນະວັດຕະກຳ ແລະ ຮ່ວມມືເພື່ອປະຊາຊົນໝົດທຸກຄົນ”.
ກ່າວຄຳເຫັນໄຂກອງປະຊຸມ, ທ່ານ ຕັງເທ້ຮຸ່ງ, ຫົວໜ້າຄະນະຜູ້ແທນ ຫວຽດນາມ, ຮອງຫົວໜ້າກົມໄຟຟ້າ (ກະຊວງອຸດສາຫະກຳການຄ້າ ຫວຽດນາມ) ໄດ້ຍົກອອກການສະເໜີຂອງ ຫວຽດນາມ ໃນ 3 ຂົງເຂດຮ່ວມມື, ລວມມີ ການແບ່ງປັນບົດຮຽນປະສົບການນະໂຍບາຍ ແລະ ບັນດາພຶດຕິກຳຕົວຈິງທີ່ດີທີ່ສຸດ, ພິເສດແມ່ນພະລັງງານທົດແທນ, ຍົກສູງປະສິດທິຜົນພະລັງງານ ແລະ ຫັນຕາໜ່າງໄຟຟ້າເປັນທັນສະໄໝ, ຊຸກຍູ້ການເຊື່ອມຕໍ່ ແລະ ລົງທຶນພາກພື້ນ, ລວມມີ ການລະດົມແຫຼ່ງການເງິນສາທາລະນະ ແລະ ເອກະຊົນໃຫ້ແກ່ພື້ນຖານໂຄງລ່າງພະລັງງານທີ່ມີຄວາມສາມາດຮັບມື ແລະ ປ່ອຍອາຍພິດຕ່ຳ; ຮັບປະກັນລັກສະນະກວມລວມ, ເພື່ອໃຫ້ບັນດາພື້ນຖານເສດຖະກິດທີ່ພວມພັດທະນາ ແລະ ບັນດາປະຊາຄົມທີ່ມີຄວາມສ່ຽງສູງອາດສາມາດເຂົ້າເຖິງພະລັງງານກັບຄ່າໃຊ້ຈ່າຍເໝາະສົມ ແລະ ໄດ້ຊົມໃຊ້ຜົນປະໂຫຍດຈາກບັນດາເຕັກໂນໂລຢີໃໝ່.
