ງານມະໂຫລານສາຍຮູບເງົາ ອາຊຽນ + 3 ໄດ້ໄຂຂຶ້ນໃນຕອນຄ່ຳວັນທີ 7 ກັນຍາຢູ່ນະຄອນຫຼວງ ປຣາຮາ, ສ.ເຊັກໂກ. ນີ້ແມ່ນວັນບຸນຮູບເງົາທີ່ມີຂອບຂະໜາດໃຫຍ່ດ້ວຍການເຂົ້າຮ່ວມຂອງ 9 ປະເທດ, ລວມມີ: ຫວຽດນາມ, ອິນໂດເນເຊຍ, ມາເລເຊຍ, ມຽນມາ, ຟີລິບປິນ, ໄທ, ຈີນ, ຍີ່ປຸ່ນ, ສ.ເກົາຫຼີ.
ກ່າວຄຳເຫັນໄຂພິທີ, ທ່ານ Jiří Bubeníček ຮອງລັດຖະມົນຕີກະຊວງວັດທະນະທຳ ສ.ເຊັກໂກ ໄດ້ຕີລາຄາສູງຂໍ້ລິເລີ່ມຈັດຕັ້ງສັບປະດາສາຍຮູບເງົາ ອາຊຽນ; ເນັ້ນໜັກວ່າເຫດການປະກອບສ່ວນເພີ່ມທະວີຄວາມເຂົ້າໃຈ, ເຊື່ອມຕໍ່ລະຫວ່າງບັນດາພື້ນຖານວັດທະນະທຳນຳກັນ, ຜ່ານນັ້ນຊ່ວຍປະຊາຊົນເຊັກໂກມີຄວາມເຂົ້າໃຈກວ່າກ່ຽວກັບປະເທດຊາດ ແລະ ປະຊາຊົນບັນດາປະເທດອາຊີ ທີ່ພວມພັດທະນາຢ່າງແຮງ.
ໂດຍແບ່ງປັນກັບນັກຂ່າວວິທະຍຸກະຈາຍສຽງຫວຽດນາມ, ທ່ານ ເຢືອງຮ່ວາຍນາມ ເອກອັກຄະລັດຖະທູດ ຫວຽດນາມ ປະຈຳ ສ.ເຊັກໂກ ໃຫ້ຮູ້ວ່ານີ້ເປັນຄັ້ງທີ 5 ທີ່ຄະນະກຳມະການ ອາຊຽນ ພ້ອມກັບສະຖານທູດສາມປະເທດ ອາຊີຄື: ຈີນ, ຍີ່ປຸ່ນ ແລະ ສ:ເກົາຫຼີ ຈັດຕັ້ງສັບປະດາດສາຍຮູບເງົາ ອາຊຽນ + 3.
ສະຖານທູດຫວຽດນາມ ປະຈຳສ.ເຊັກໂກ ຕັ້ງໜ້າເຂົ້າຮ່ວມວຽກງານກະກຽມນັບແຕ່ຫົວທີ ແລະ ນີ້ກໍ່ແມ່ນການກະກຽມເພື່ອໃຫ້ຫວຽດນາມຮັບດຳລົງຕຳແຫນ່ງເປັນປະທານອາຊຽນນັບແຕ່ເດືອນມັງກອນ ປີ 2027. ໃນສັບປະດາສາຍຮູບເງົາອາຊຽນ + 3 ຄັ້ງນີ້, ຫວຽດນາມ ໄດ້ກະກຽມຮູບເງົາ 3 ເລື່ອງ,ໃນນັ້ນ ມີ 1 ຮູບເງົາສັນ ແລະ ສອງຮູບເງົາແນະນຳກ່ຽວກັບປະເທດຊາດ ແລະ ຊາວຫວຽດນາມນັ້ນແມ່ນຮູບເງົາ “ດິນແດນທາງທິດໃຕ້” ແລະ “ຝົນແດງ”. ການຈັດຕັ້ງສັບປະດາສາຍຮູບເງົາຈະຊ່ວຍໃຫ້ປະຊາຊົນເຊັກໂກ ເຂົ້າໃຈກວ່າກ່ຽວກັບວັດທະນະທຳທີ່ຫຼາຍຮູບແບບ ກໍ່ຄືຄວາມງາມຂອງບັນດາປະເທດອາຊຽນ ເວົ້າລວມ ແລະ ຫວຽດນາມ ເວົ້າສະເພາະ.
