 (ພາບປະກອບ: VOV) |
ຕາມກົມປ້ອງກັນພືດ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລ້ວ, ອາເມລິກາ ແມ່ນຕະຫຼາດຮຽກຮ້ອງຕ້ອງມີມາດຕະຖານສູງ. ດັ່ງນັ້ນ, ເພື່ອພັດທະນາຕະຫຼາດແຫ່ງນີ້, ວິສາຫະກິດ ແລະ ຜູ້ປູກຝັງ ຕ້ອງປະຕິບັດຂໍ້ກຳນົດຂອງປະເທດນຳເຂົ້າຢ່າງເຂັ້ມງວດ. ທ່ານ ຮວ່າງຈູງ, ຫົວໜ້າກົມປ້ອງກັນພືດຖືວ່າ:
“ພວກເຮົາຕ້ອງມີວິທີປ້ອງກັນ ແລະ ສະກັດກັ້ນສັດຕູພືດກ່ອນທີ່ຈະສົ່ງອອກໄປຍັງຕະຫຼາດ ອາເມລິກາ, ນັ້ນແມ່ນຄວາມຮັບຜິດຊອບຂອງຜູ້ປູກຜະລິດຕະພັນດັ່ງກ່າວ ກໍຄືຂອງອົງການວິຊາສະເພາະທີ່ມີຄວາມຮັບຜິດຊອບຕິດຕາມກວດກາ ເພື່ອປະຕິບັດວຽກງານນີ້ໃຫ້ເປັນຢ່າງດີ. ນີ້ແມ່ນໜຶ່ງໃນບັນດາຂັ້ນຕອນທີ່ສຳຄັນທີ່ສຸດ. ຢາກມີຜະລິດຕະພັນທີ່ຄຸນນະພາບ, ປອດສານພິດ, ຕອບສະໜອງໄດ້ທຸກເງື່ອນໄຂຈາກຝ່າຍ ອາເມລິກາ, ກ່ອນອື່ນໝົດແມ່ນ ບັນດາຜະລິດຕະພັນຈາກສວນຕ້ອງປອດສັດຕູພືດທີ່ມີຜົນຮ້າຍ”.
