(ພາບ: qdnd.vn)
ທີ່ພິທີສະເຫຼີມສະຫຼອງ, ໂດຍຕາງໜ້າໃຫ້ລັດຖະບານ ຫວຽດນາມ, ທ່ານ ເລຮວ່າຍຈຸງ, ລັດຖະມົນຕີການຕ່າງປະເທດ ຫວຽດນາມ ໄດ້ຝາກຄຳຊົມເຊີຍອັນສະຫງ່າເຖິງລັດຖະບານ ແລະ ປະຊາຊົນ ອາເມລິກາ. ທ່ານເນັ້ນໜັກວ່າ ໃນວິວັດການພັດທະນາທີ່ເຕັມໄປດ້ວຍຄວາມປະທັບໃຈໃນ ¼ ສະຫັດສະຫວັດທີ່ຜ່ານມາໄດ້ນຳປະເທດ ອາເມລິກາ ບືນຕົວຂຶ້ນກາຍເປັນໜຶ່ງໃນບັນດາປະເທດມະຫາອຳນາດແຖວໜ້າໂລກ; ທ່ານເຊື່ອໝັ້ນວ່າ ອາເມລິກາ ຈະສືບຕໍ່ປະກອບສ່ວນຢ່າງຕັ້ງໜ້າໃຫ້ແກ່ສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.
ທ່ານລັດຖະມົນຕີ ເລຮວ່າຍຈຸງ ຕີລາຄາສູງຄຳໝັ້ນສັນຍາຂອງ ອາເມລິກາ ທີ່ສະໜັບສະໜູນ ຫວຽດນາມ ເຂັ້ມແຂງ, ເອກະລາດ, ສ້າງຄວາມເຂັ້ມແຂງດ້ວຍຕົນເອງ, ວັດທະນາຖາວອນ ແລະ ຫວັງວ່າ ຫວຽດນາມ ແລະ ອາເມລິກາ ຈະພ້ອມກັນເປີດໜ້າປະຫວັດສາດໃໝ່ໃຫ້ແກ່ການພົວພັນລະຫວ່າງ 2 ປະເທດ ໃຫ້ນັບມື້ນັບມີສະຖຽນລະພາບ, ແທດຈິງ ແລະ ມີປະສິດທິຜົນ, ບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ລະບອບການເມືອງຂອງກັນ ແລະ ຕ່າງຝ່າຍຕ່າງມີຜົນປະໂຫຍດ.
