(ພາບ: TITC)
ການຈັດອັນດັບ ໂດຍເວທີປຶກສາຫາລືເສດຖະກິດໂລກ (WEF) ປະກາດໃນວັນທີ 25 ກັນຍາ, ຫວຽດນາມ ໄດ້ບັນລຸ 4,15 ຄະແນນ, ເລື່ອນ 7 ຂັ້ນເມື່ອທຽບກັບການຕີລາຄາຄັ້ງກ່ອນ. ຢູ່ພາກພື້ນ ອາຊີຕາເວັນອອກສຽງໃຕ້, ຫວຽດນາມຢູ່ ຢືນອັນດັບທີ 5, ຖັດຈາກ ສິງກະໂປ, ອິນໂດເນເຊຍ, ມາເລເຊຍ ແລະ ໄທ.
TTDI 2026 ລວມມີ 5 ກຸ່ມໃຫຍ່, 17 ດັດຊະນີເສົ້າຄ້ຳ, ໂດຍສຸມໃສ່ສະພາບແວດລ້ອມສ້າງເງື່ອນໄຂ, ນະໂຍບາຍ ແລະ ເງື່ອນໄຂອຳນວຍຄວາມສະດວກໃຫ້ແກ່ການທ່ອງທ່ຽວ, ພື້ນຖານໂຄງລ່າງ ແລະ ການບໍລິການ, ຊັບພະຍາກອນທ່ອງທ່ຽວ, ລັກສະນະຍືນຍົງຂອງການທ່ອງທ່ຽວ. ຕາມໝາກຜົນຂອງ TTDI 2026, ຫວຽດນາມ ມີ 7 ໃນຈຳນວນ 17 ດັດຊະນີເສົ້າຄ້ຳ ນອນໃນກຸ່ມ 35 ພື້ນຖານເສດຖະກິດນຳໜ້າໂລກ. ໃນນັ້ນ, ຫວຽດນາມ ບັນລຸບັນດາອັນດັບສູງໃນດັດຊະນີ, ຄື: ກຳລັງແກ່ງແຍ້ງດ້ານລາຄາ; ຄວາມປອດໄພ, ຄວາມໝັ້ນຄົງ; ແຫຼ່ງຊັບພະຍາກອນວັດທະນະທຳ; ຊັບພະຍາກອນທຳມະຊາດ; ລະດັບຍືນຍົງຂອງຄວາມຕ້ອງດ້ານການທ່ອງທ່ຽວ; ຊັບພະຍາກອນທີ່ບໍ່ເປັນການບັນເທິງ ແລະ ພື້ນຖານໂຄງລ່າງການຂົນສົ່ງທາງອາກາດ.
