ກອງປະຊຸມລັດຖະມົນຕີຄັ້ງທີ 2 ລະຫວ່າງກະຊວງຕຳຫຼວດ ຫວຽດນາມ, ກະຊວງພາຍໃນ ກຳປູເຈຍ ແລະ ກະຊວງປ້ອງກັນຄວາມສະຫງົບ ລາວ ກ່ຽວກັບການຮ່ວມມືຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍທາງສັງຄົມ ໄດ້ຈັດຂຶ້ນໃນຕອນບ່າຍວັນທີ 30 ມິຖຸນາ, ຢູ່ນະຄອນຫຼວງ ພະນົມເປັນ, ປະເທດ ກຳປູເຈຍ.
ທີ່ກອງປະຊຸມ, ຜູ້ຕາງໜ້າບັນດາກະຊວງຕຳຫຼວດ, ກະຊວງພາຍໃນຂອງ 3 ປະເທດໄດ້ສະເໜີບັນດາເນື້ອໃນກ່ຽວກັບວຽກງານຕໍ່ສູ້ຕ້ານການກະທຳຄ້າມະນຸດຂ້າມຊາດ; ຮ່ວມມືກັນຜັນຂະຫຍາຍໂຄງການປ້ອງກັນ ແລະ ສະກັດກັ້ນຢາເສບຕິດ; ເພີ່ມທະວີການຮ່ວມມືຕໍ່ສູ້ຕ້ານອາດຊະຍາກຳສໍ້ກົງຫຼອກລວງທາງອິນເຕີເນັດໃນສະພາບການໃໝ່.
ສິ້ນສຸດກອງປະຊຸມ, ບັນດາລັດຖະມົນຕີໄດ້ຮັບຮອງເອົາຖະແຫຼງການຮ່ວມ ຢືນຢັນຄືນໃໝ່ຄຳໝັ້ນສັນຍາເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນເລິກເຊິ່ງຂຶ້ນຕື່ມ; ຍູ້ແຮງບັນດາຄວາມມານະພະຍາຍາມໃນການປ້ອງກັນ, ຕໍ່ສູ້ກັບບັນດາອາດຊະຍາກຳຂ້າມຊາດ; ຍູ້ແຮງການແບ່ງປັນຂໍ້ມູນສົມທົບກັນສືບສວນ; ຊຸກຍູ້ການຮ່ວມມື ແລະ ບັນດາກົນໄກຕິດຕໍ່ຊາຍແດນ ເພື່ອຮັກສາສະພາບແວດລ້ອມເສັ້ນຊາຍແດນສັນຕິພາບ, ໝັ້ນຄົງ ແລະ ພັດທະນາ.
