ກ່າວຄຳເຫັນ​ທີ່​ວາ​ລະ​ປຶກ​ສາ​ຫາ​ລື​ຂັ້ນສູງ ກອງປະຊຸມຄັ້ງ​ທີ 31 ບັນ​ດາ​ຝ່າຍ​ເຂົ້າ​ຮ່ວມ​ຂອບ​ສົນ​ທິ​ສັນ​ຍາສະຫະປະຊາຊາດ ກ່ຽວ​ກັບການປ່ຽນແປງ​ຂອງ​ດິນ​ຟ້າອາກາດ (COP31) ທີ່ຈັດຂຶ້ນຢູ່ ຕວກກີ, ຕອນເຊົ້າວັນທີ 17 ພະຈິກ, ທ່ານ ໂຮ່ກວກຢຸງ, ​ຮອງ​ນາ​ຍົກ​ລັດ​ຖະ​ມົນ​ຕີ ຫວຽດ​ນາມ ໄດ້​ຍົ​ກ​ອອກສາມຂໍ້ສະເໜີ​. ​ທີ່​ໜຶ່ງ​ແມ່ນ, ບັນດາປະເທດພັດທະນາ ແລະ ສະຖາບັນ​ການເງິນສາກົນ​ ຕ້ອງ​ສວມ​ບົດບາດນຳພາ, ໃຫ້​ບຸ​ລິ​ມະ​ສິດ​ແຫຼ່ງ​ທຶນ​ຊ່ວຍ​ເຫຼືອລ້າ ແລະ ​ທຶນກູ້​ຢືມ​ໃຫ້​ບຸ​ລິ​ມະ​ສິດ​ໃຫ້​ແກ່​ບັນ​ດາ​ການ​ເຄື່ອນ​ໄຫວ​ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ຢູ່ປະເທດ​ພວມພັດທະນາ. ທີສອງ, ຊຸກ​ຍູ້​ການ​ຖ່າຍ​ທອດ​ເຕັກ​ໂນ​ໂລ​ຊີ. ທີສາມ, ຮັບປະກັນວິ​ວັດ​ການຫັນປ່ຽນ​ດຳເນີນໄປຢ່າງຍຸດຕິທຳ, ​ກວມ​ລວມ, ​ຖືປະ​ຊາ​ຊົນເປັນ​ໃຈກາງ, ສຸມໃສ່ການປົກປ້ອງ​ການ​ຫາ​​ລ້ຽງ​ຊີ​ບຂອງປະຊາຊົນ ແລະ ໜູນ​ຊ່ວຍ​ວິ​ສາ​ຫະ​ກິດຂະໜາດນ້ອຍ ແລະ ຂະໜາດກາງ.

ທ່ານຮອງນາຍົກລັດຖະມົນຕີ ໂຮ່ກວກຢຸງ ກໍ່​ສະ​ເໜີ​ໃຫ້​ບັນ​ດາປະເທດເພີ່ມ​ທະ​ວີ​ການ​ຮ່ວມ​ມື​ຫຼາຍຝ່າຍ, ເພີ່ມທະວີການໂອ​້​ລົມສົນທະນາເພື່ອຮັບປະກັນວ່າ ບັນ​ດາມາດຕະການ​ດ້ານ​ການຄ້າທີ່ກ່ຽວຂ້ອງເຖິງ​ດິນ​ຟ້າອາກາດຈະໄດ້ປະຕິບັດຢ່າງ ໂປ່ງໃສ, ເຄົາ​ລົບ​ກົດ​ໝາຍ​ສາ​ກົນ ແລະ ບໍ່ສ້າງ​ຮົ້ວ​ກີດ​ຂວາງ​ໃຫ້​ແກ່​ບັນ​ດາ​ພື້ນ​ຖານເສດຖະກິດພວມພັດທະນາ.