(ພາບ:VOV)
ນີ້ແມ່ນກອງປະຊຸມລັດຖະມົນຕີ ສຳຄັນທີ່ສຸດໃນປີ ເພື່ອແນໃສ່ແລກປ່ຽນກ່ຽວກັບບັນດາບັນຫາໃຫຍ່ຂອງເສດຖະກິດ ພາກພື້ນ, ກວດກາຄືນໝາກຜົນການຮ່ວມມືໃນປີ ແລະ ກະກຽມເນື້ອໃນຮັບໃຊ້ກອງປະຊຸມຂັ້ນສູງ APEC 33 ຢູ່ເຊີນເຈີ້ນ, ປະເທດ ຈີນ. ກອງປະຊຸມສຸມໃສ່ປຶກສາຫາລືສອງເນື້ອໃນໃຫຍ່, ຄື: ການຮ່ວມມືມຸ່ງໄປເຖິງປະຊາຄົມ ອາຊີ - ປາຊີຟິກ ແລະ ຊຸກຍູ້ການຮ່ວມສຳພັນທາງເສດຖະກິດ ເພື່ອການເຕີບໂຕຂອງພາກພື້ນ.
ກ່າວຄຳເຫັນທີ່ກອງປະຊຸມ, ທ່ານ ເລຮ່ວາຍຈູງ, ລັດຖະມົນຕີການຕ່າງປະເທດ ຫວຽດນາມ ໄດ້ຍົກອອກ 3 ຂໍ້ສະເໜີກຳນົດທິດທາງໃຫ້ພາກພື້ນ. ທີໜຶ່ງແມ່ນ, ສ້າງພາກພື້ນ ອາຊີ - ປາຊີຟິກ ມີຫົວຄິດປະດິດສ້າງ ແລະ ສະມັດຕະພາບຜ່ານການຍູ້ແຮງການການນຳໃຊ້ປັນຍາປະດິດ (AI), ເຕັກໂນໂລຊີ ດີຈີຕອນ ຢ່າງມີຄວາມຮັບຜິດຊອບ ແລະ ປະສິດທິຜົນ , ສ້າງສະພາບແວດລ້ອມອຳນວຍຄວາມສະດວກໃຫ້ແກ່ການຄົ້ນຄ້ວາ ແລະ ພັດທະນາ, ພັດທະນາເຄືອຂ່າຍປ່ຽນໃໝ່ນະວັດຕະກຳພາກພື້ນ, ຊັບພະຍາກອນມະນຸດດ້ວຍທັກສະຕອບສະໜອງຄວາມຮຽກຮ້ອງຕ້ອງການ ຂອງອະນາຄົດ. ທີສອງ, ສ້າງພາກພື້ນ ອາຊີ - ປາຊີຟິກ ເປີດ ແລະ ເຊື່ອມຕໍ່, ສ້າງຄວາມສະດວກໃຫ້ແກ່ການແລກປ່ຽນສິນຄ້າ ແລະ ການບໍລິການ, ແກ້ໄຂບັນດາຂອດຕິດຂັດໃນລະບົບຕ່ອງໂສ້ການສະໜອງ, ເພີ່ມທະວີການເຊື່ອມຕໍ່ກ່ຽວກັບລະບອບ, ພື້ນຖານໂຄງລ່າງ ແລະ ດີຈີຕອນ, ຊຸກຍູ້ການພົວພັນແລກປ່ຽນປະຊາຊົນ. ທີສາມແມ່ນ, ສ້າງພາກພື້ນ ອາຊີ - ປາຊີຟິກ ໃຫ້ມີຄວາມເຂັ້ມແຂງດ້ວຍຕົນເອງ ແລະ ຂະຫຍັນຂັນເຄື່ອນ, ເອົາໃຈໃສ່ເປັນພິເສດເຖິງການຮ່ວມມືຮັບປະກັນຄວາມປອດໄພດ້ານທັນຍາຫານ, ພະລັງງານ, ຄຸ້ມຄອງຊັບພະຍາກອນທຳມະຊາດໃຫ້ຍືນຍົງ...
VOV ປະຈຳຈີນ
