 ເວທີປາໄສເສດຖະກິດ ແລະ ການຄ້າ ຫວຽດນາມ - ສ.ເກົາຫຼີ 2022 (ພາບ: nhandan.vn) |
ໃນວາລະປຶກສາຫາລື, ບັນດາຜູ້ແທນໄດ້ໃຫ້ຂໍ້ສັງເກດວ່າ ນັບແຕ່ນີ້ຮອດປີ 2025 ວິສາຫະກິດ ສ.ເກົາຫຼີ ຈະເພີ່ມແຫຼ່ງເງິນລົງທຶນເຂົ້າໃນໂຄງການເປັນມິດກັບສິ່ງແວດລ້ອມ ແລະ ຕ້ານການປ່ຽນແປງຂອງດິນຟ້າອາກາດຢູ່ ຫວຽດນາມ ຫຼາຍພໍສົມຄວນ; ເພີ່ມທະວີການສະໜອງມາດຕະຖານກ່ຽວກັບນະໂຍບາຍ, ການເງິນ, ເຕັກນິກ ເພື່ອມຸ່ງໄປເຖິງເປົ້າໝາຍຊຸກຍູ້ການຫັນປ່ຽນຮູບແບບພັດທະນາເສດຖະກິດຕາມທິດ ເສດຖະກິດສີຂຽວ, ຊຸກຍູ້ການຫັນເປັນດີຈີຕອນ ແລະ ພັດທະນາແບບຍືນຍົງ.
ຜູ້ຕາງໜ້າວິສາຫະກິດສອງປະເທດກໍຢັ້ງຢືນວ່າ ຈະສືບຕໍ່ຍົກສູງຄຸນນະພາບການຮ່ວມມືທາງດ້ານເສດຖະກິດ, ການຄ້າ, ການລົງທຶນ, ສູ້ຊົນປະຕິບັດເປົ້າໝາຍຍົກວົງເງິນການຄ້າສອງຝ່າຍໃຫ້ບັນລຸ 150 ຕື້ USD ໃນປີ 2030 ໃຫ້ປະສົບຜົນສຳເລັດ. ປັດຈຸບັນ, ສ.ເກົາຫຼີ ແມ່ນຄູ່ຮ່ວມມືການຄ້າໃຫຍ່ອັນດັບທີ 3 ຂອງ ຫວຽດນາມ.
