ຫວຽດນາມແບ່ງເບົາຄວາມເສົ້າສະຫຼົດໃຈກ່ຽວກັບບັນດາເຫດວາງລະເບີດຢູ່ສີລັງກາເຮັດໃຫ້ຫຼາຍຄົນເສຍຊີວິດ

ວັນທີ 21 ເມສາ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງທ່ານປະທານາທິບໍດີ ສີລັງກາ Maithripala Sirisena. ທ່ານນາຍົກລັດຖະມົນຕີ ຫງວຽນຊວນຝຸກ ໄດ້ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງທ່ານນາຍົກລັດຖະມົນຕີສີລັງກາ Ranil Wickremesinghe, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງທ່ານປະທານສະພາແຫ່ງຊາດສີລັງກາ Karu Jayasuriya.

ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ກໍ່ໄດ້ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງທ່ານລັດຖະມົນຕີການຕ່າງປະເທດສີລັງກາ Tilak Janak Marapana.

ສະຖານທູດຫວຽດນາມ ປະຈຳສີລັງກາ ໄດ້ຕິດຕໍ່ກັບບັນດາອົງການທີ່ມີໜ້າທີ່ປະຈຳຖິ່ນ ແລະ ໄດ້ຮູ້ວ່າ, ມາຮອດປະຈຸບັນຍັງບໍ່ທັນມີຊາວຫວຽດນາມ ຖືກຜົນສະທ້ອນຈາກເຫດລະເບີດດັ່ງກ່າວ. ກະຊວງການຕ່າງປະເທດໄດ້ຊີ້ນຳສະຖານທູດຫວຽດນາມ ປະຈຳສີລັງກາ ສືບຕໍ່ຕິດຕາມເຫດການ ແລະ ມີບັນດາມາດຕະການປົກປ້ອງ ໃນກໍລະນີມີພົນລະເມືອງຫວຽດນາມ ຖືກຜົນສະທ້ອນ.