 ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິງ ແລະ ທ່ານຮອງນາຍົກລັດຖະມົນຕີຈີນ ຢາງກາວລີ |
ຕອນບ່າຍວັນທີ 11 ກັນຍາ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິງ ໄດ້ມີການພົບປະກັບ ທ່ານຮອງນາຍົກລັດຖະມົນຕີຈີນ ຢາງກາວລີ. ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິງຢືນຢັນວ່າ ພັກ ແລະ ລັດຖະບານຫວຽດນາມຖືເປັນສຳຄັນການປັບປຸງ ແລະ ເພີ່ມທະວີການພົວພັນຮ່ວມມືມິດຕະພາບກັບຈີນ ແລະ ຖືວ່າ ນີ້ແມ່ນບຸລິມະສິດແຖວໜ້າໃນນະໂຍບາຍພົວພັນຕ່າງປະເທດຂອງຫວຽດນາມ. ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິງ ສະເໜີ 2 ຝ່າຍສືບຕໍ່ຜັນຂະຫຍາຍບັນດາການຮັບຮູ້ລວມຂອງການນຳຂັ້ນສູງ 2 ປະເທດບັນລຸໄດ້, ສົມທົບກັນກະກຽມບັນດາການຢ້ຽມຢາມຂັ້ນສູງລະຫວ່າງ 2 ປະເທດ, ພິເສດແມ່ນການມາຢ້ຽມຢາມ ແລະ ເຂົ້າຮ່ວມກອງປະຊຸມສຸດຍອດ Apec 2017 ໃນເດືອນພະຈິກຂອງທ່ານເລຂາທິການໃຫຍ່, ປະທານປະເທດຈີນ ສີຈີນຜິງ.
ສ່ວນທ່ານຮອງນາຍົກລັດຖະມົນຕີຈີນ ຢາງກາວລີ ຢືນຢັນວ່າ ພັກ ແລະ ລັດຖະບານຈີນ ຖືເປັນສຳຄັນການປັບປຸງ ແລະ ເພີ່ມທະວີການພົວພັນຮ່ວມມືມິດຕະພາບກັບຫວຽດນາມ, ສືບຕໍ່ດຳເນີນການຢ້ຽມຢາມຂັ້ນສູງ, ເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານຈີນ-ຫວຽດນາມ…
