ຫວຽດນາມຍູ້ແຮງການໂຄສະນາການທ່ອງທ່ຽວຢູ່ອົດສະຕາລີ

ນັບແຕ່ປີ 2012 ເປັນຕົ້ນມາ, ນີ້ເປັນຄັ້ງທີ 3 ທີ່ກົມໃຫຍ່ທ່ອງທ່ຽວຫວຽດນາມ ເລືອກເຟັ້ນນະຄອນ Sydney ແມ່ນສະຖານທີ່ຈຸດສຸມເພື່ອແນໃສ່ໂຄສະນາກ່ຽວກັບຄວາມສວຍງາມຂອງປະເທດຊາດ, ປະຊາຊົນ ກໍ່ຄືບັນດາຈຸດວັດທະນະທຳທີ່ເປັນເອກະລັກສະເພາະຂອງຫວຽດນາມ ເຖິງປະຊາຊົນ ອົດສະຕາລີ. ກ່າວຄຳເຫັນທີ່ລາຍການໂຄສະນາ, ທ່ານ ໂງຮ່ວາຍຈູງ, ຮອງຫົວ ຫນ້າກົມໃຫຍ່ທ່ອງທ່ຽວຫວຽດນາມ ໄດ້ຊີ້ໃຫ້ເຫັນບັນດາທ່າໄດ້ປຽບຂອງທ່ອງທ່ຽວຫວຽດນາມ, ແມ່ນປະເທດມີສັນຕິພາບ, ມີຊັບພະຍາກອນທ່ອງທ່ຽວທີ່ອຸດົມສົມບູນ, ປະຊາຊົນແມ່ນຜູ້ມີຄວາມໃກ້ຊິດສະຫນິດສະຫນົມ ແລະ ຮັກແພງແຂກຄົນ. ທ່ານ ໂງຮ່ວາຍຈູງ ເນັ້ນຫນັກວ່າ: ເຖິງວ່າ ຫວຽດນາມ ແລະ ອົດສະຕາລີ ຫ່າງໄກກ່ຽວກັບພູມສັນຖານກໍຕາມ, ແຕ່ໃນຕະຫລອດ 44 ປີຜ່ານມາ, ການພົວພັນທາງການທູດລະຫວ່າງສອງປະເທດໄດ້ມີການພັດທະນາ ແລະ ໄດ້ຮັບການປັບປຸງຢ່າງບໍ່ຢຸດຢັ້ງ, ການພົວພັນແລກປ່ຽນດ້ານວັດທະນະທຳ, ການພົບປະແລກປ່ຽນປະຊາຊົນລະຫວ່າງສອງປະເທດຍາມໃດກໍ່ໄດ້ຮັບຄວາມເອົາໃຈໃສ່ ແລະ ຊຸກຍູ້ຈາກລັດຖະບານສອງປະເທດ.

ທີ່ລາຍການໂຄສະນາ, ບັນດາວິສາຫະກິດທ່ອງທ່ຽວ, ດຳເນີນທຸລະກິດໂຮງແຮມຂອງສອງປະເທດ ໄດ້ແລກປ່ຽນບົດຮຽນ, ທ່າແຮງແລະ ຍຸດທະສາດດຶງດູດແຂກທ່ອງທ່ຽວຂອງແຕ່ລະຝ່າຍ, ກໍຄືຊອກຫາບັນດາຄູ່ຮ່ວມມືໃຫມ່ເພື່ອພ້ອມກັນພັດທະນາໃນໄລຍະຈະມາເຖິງ.