ບົດລາຍງານຊີ້ແຈ້ງວ່າ, IAEA ຍັງສາມາດສຳຜັດກັບ "ທຸກສະຖານທີ່ ແລະ ຮາກຖານນິວເຄຼຍຂອງອີຣານ ເຊິ່ງ IAEA ຕ້ອງໄປສຳຫຼວດກວດກາ". ເຖິງຢ່າງໃດກໍ່ຕາມ, ອົງການດັ່ງກ່າວກໍ່ຢ້ຳຄືນຄຳຮຽກຮ້ອງຂອງອີຣານ ຄວນ “ເປັນເຈົ້າການ ແລະ ມີການຮ່ວມມືຢ່າງທັນການໃນການສະໜອງສິດສຳຜັດດັ່ງກ່າວໃຫ້ IAEA". ກໍ່ຕາມບົດລາຍງານແລ້ວ, ສາງສະສົມ urani ໄດ້ເສີມທາດຢູ່ໃນລະດັບຕ່ຳ ແລະ ນ້ຳທາດໜັກຂອງເຕເຮຣານ ໄດ້ເພີ່ມຂຶ້ນໜ້ອຍໜຶ່ງເມື່ອທຽບໃສ່ບົດລາຍງານຂອງເດືອນ ພຶດສະພາ, ແຕ່ຍັງຢູ່ໃນລະດັບທີ່ໄດ້ກຳນົດໃນຂ້ໍຕົກລົງທີ່ມີຊື່ວ່າ ແຜນການດຳເນີນງານຮ່ວມ (JCPOA) ເຊິ່ງໄດ້ຮັບການລົງນາມລະຫວ່າງເຕເຮຣານ ແລະ ກຸ່ມ P5+1 (ລວມມີ 5 ສະມາຊິກຂອງສະພາຄວາມໝັ້ນຄົງສະຫະປະຊາຊາດ ແລະ ເຢຍລະມັນ) ເມື່ອປີ 2015.
ບົດລາຍງານດັ່ງກ່າວຂອງ IAEA ໄດ້ປະກາດໃນສະພາບທີ່ JCPOA ພວມຢູ່ໃນທ່າຖືກລົ້ມລະລາຍ ພາຍຫຼັງທີ່ອາເມລິກາ ຖອນຕົວອອກຈາກຂໍ້ຕົກລົງດັ່ງກ່າວ, ພ້ອມທັງຈັດວາງບັນດາຄຳສັ່ງລົງໂທດທີ່ແຂງກະດ້າງພຽງລຳພັງຝ່າຍດຽວຄືນໃໝ່ສຳລັບອີຣານ, ສົ່ງຜົນສະທ້ອນເຖິງພື້ນຖານເສດຖະກິດຂອງປະເທດອິດສະລາມນີ້.
