ວັນ​ທີ 11 ສິງ​ຫາ, ອິດ​ສະ​ລາ​ແອັນ ແລະ ເວ​ເນ​ຊູ​ເອ​ລາ ໄດ້​ເຫັນ​ດີ​ເປັນ​ເອ​ກະ​ພາບ​ເຊື່ອມ​ຕໍ່​ການ​ພົວ​ພັນ​ກົງ​ສູນ​ຄືນ ແລະ ສ້າງ​ຊ່ອງ​ທາງ​ປະ​ສານ​ສົມ​ທົບ​ຢ່າງ​ເປັນ​ທາງ​ການ​ລະ​ຫວ່າງ​ສອງ​ປະ​ເທດ, ສ້າງ​ບາດ​ກ້າວ​ເດີນຫຼາຍ​ພໍ​ສົມ​ຄວນ​ພາຍຫຼັງ 17 ປີທີ່​ບໍ່ໄດ້​ຮັກ​ສາ​ການ​ພົວ​ພັນ​ທາງ​ການ​ທູດ. ຕາມ​ຖະ​ແຫຼງ​ການ​ຮ່ວມ​ຂອງ​ສອງ​ປະ​ເທດ​ແລ້ວ, ຂໍ້​ຕົກ​ລົງ​ບັນ​ລຸ​ໄດ້​ພາຍຫຼັງ​ການ​ແລກ​ປ່ຽນ​ໃນ​ຊຸມ​ອາ​ທິດ​ມໍ່ໆ​ມາ​ນີ້ ລະ​ຫວ່າງ ທ່ານ Gideon Sa'ar ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ອິດ​ສະ​ລາ​ແອັນ ແລະ ຄູ່​ຮ່ວມ​ຕຳ​ແໜ່ງ ເວ​ເນ​ຊູ​ເອ​ລາ ທ່ານ Félix Plasencia. ສອງ​ຝ່າຍ​ໄດ້​ເຫັນ​ດີ​ເປັນ​ເອ​ກະ​ພາບ​ສ້າງ​ກົນ​ໄກ​ປະ​ສານ​ສົມ​ທົບ​ຢ່າງ​ເປັນ​ທາງ​ການ​ເພື່ອ​ແນ​ໃສ່​ສະ​ໜອງ​ບັນ​ດາ​ການ​ບໍ​ລິ​ການ​ກົງ​ສູນ​ໃຫ້​ແກ່​ພົນ​ລະ​ເມືອງ​ສອງ​ປະ​ເທດ. ຖະ​ແຫຼງ​ການ​ກໍ່​ເນັ້ນ​ໜັກ​ເຖິງ​ລະ​ດັບ​ຄວາມ​ສຳ​ຄັນ​ຂອງ​ການ​ພົວ​ພັນ​ລະ​ຫວ່າງ​ອິດ​ສະ​ລາ​ແອັນ ແລະ ວົງ​ຄະ​ນະ​ຍາດ​ຊາວ​ຢິວ ​ຢູ່ ເວ​ເນ​ຊູ​ເອ​ລາ.