ວັນທີ 5 ມິຖຸນາ, ທ່ານ Benjamin Netanyahu ນາຍົກລັດຖະມົນຕີ ອິດສະຣາແອັນ ໄດ້ຖະແຫຼງວ່າ ທ່ານຍັງບໍ່ທັນຍົກອອກສະບັບຫຼ້າສຸດຂອງຂໍ້ຕົກລົງຢຸດຍິງ ລະຫວ່າງປະເທດນີ້ ກັບ ລີບັງ ມາປ່ອນບັດໃນຄະນະລັດຖະບານ, ດ້ວຍສາຍເຫດ ກຳລັງ ເຮັກໂບລາ ຢູ່ພາກໃຕ້ ລີບັງ ຍັງບໍ່ທັນຍອມຮັບບັນດາເງື່ອນໄຂ ໂດຍ ອາເມລິກາ ເປັນກາງໄກ່ເກ່ຍ.
ເມື່ອກ່າວຄຳເຫັນໃນກອງປະຊຸມຄະນະລັດຖະບານ, ທ່ານນາຍົກລັດຖະມົນຕີ Benjamin Netanyahu ເນັ້ນໜັກວ່າ ປັດຈຸບັນ “ຍັງບໍ່ທັນມີບໍ່ວ່າຂໍ້ຕົກລົງໃດ”, ເພາະວ່າ ເຮັກໂບລາ ປະຕິເສດຮັບຮອງບັນດາເງື່ອນໄຂທີ່ບັນດາຝ່າຍໄດ້ປຶກສາຫາລື. ຂໍ້ຕົກລົງສະບັບນີ້ ໄດ້ຍົກອອກມາໃນສະພາບການ ມີລັດຖະມົນຕີ ອິດສະຣາແອັນ ຫຼາຍທ່ານ ຖືວ່າ ຂໍ້ຕົກລົງຢຸດຍິງ ເຄີຍໄດ້ຮັບການຕີລາຄາວ່າ ແມ່ນບອບບາງ ແລະ ຮຽກຮ້ອງຕ້ອງໄດ້ຄະນະລັດຖະບານຮັບຮອງເອົາກ່ອນທີ່ Tel Aviv ໃຫ້ຄຳໝັ້ນສັນຍາປະຕິບັດຢ່າງເປັນທາງການ.
