ໂດຍບໍ່ຫົວຊາຕໍ່ຄຳກ່າວເຕືອນຂອງ ອີຣານ ກໍຄືຄວາມບໍ່ພໍໃຈຂອງ ອາເມລິກາ, ວັນທີ 17 ມິຖຸນາ, ກອງທັບ ອິດສະຣາແອັນ ສືບຕໍ່ບຸກໂຈມຕີເຂົ້າ ລີບັງ, ສະໜາມຮົບທີ່ບັນດາຝ່າຍລ້ວນແຕ່ຢັ້ງຢືນວ່າ ມີໃນຂໍ້ຕົກລົງສັນຕິພາບ ເຊິ່ງອາເມລິກາ - ອີຣານ ໃກ້ຈະລົງນາມຢ່າງເປັນທາງການ.
ສຳນັກຂ່າວສານແຫ່ງລັດ ລີບັງ (NNA) ໃຫ້ຮູ້ວ່າ ເຮືອບິນສູ້ຮົບ ອິດສະຣາແອັນ ໄດ້ຖີ້ມລະເບີດລົງເຂດຊານເມືອງເທດສະບານ Kfar Tebnit, ທາງທິດໃຕ້ ລີບັງ. ກອງທັບ ອິດສະຣາແອັນ ຍັງບໍ່ທັນຍົກອອກຄຳວິຈານທີ່ກ່ຽວຂ້ອງເທື່ອ. ການບຸກໂຈມຕີຄັ້ງຫຼ້າສຸດຂອງ ອິດສະຣາແອັນໃສ່ ລີບັງ ໄດ້ຮັບການລາຍງານໃນສະພາບການທີ່ ອີຣານ ສືບຕໍ່ກ່າວເຕືອນຈະໂຕ້ຕອບການກະທຳເກາະຜິດຂອງ ອິດສະຣາແອັນ ຢູ່ ລີບັງ, ບົນພື້ນຖານຖືນັ້ນແມ່ນການລະເມີດຂໍ້ຕົກລົງຢຸດຍິງລະຫວ່າງ ອາເມລິກາ - ອີຣານ. ພ້ອມດຽວກັນນັ້ນ, ທ່ານ Donald Trump ປະທານາທິບໍດີ ອາເມລິກາ ກໍສະແດງຄວາມບໍ່ພໍໃຈຕໍ່ການເຄື່ອນໄຫວສູ້ຮົບຂອງ ອິດສະຣາແອັນ ຢູ່ ລີບັງ, ໂດຍຖືວ່າ ນີ້ແມ່ນສິ່ງທີ່ບໍ່ມີປະໂຫຍດຕໍ່ຂໍ້ຕົກລົງ.
ບາທີ, ນັກຂ່າວ VOV ປະຈຳ ອີຢິບ
