(ພາບປະກອບ: THX/TTXVN)
ຕາມນັ້ນແລ້ວ, ຜູ້ອອກແຮງງານ ປາແລັດສະຕິນ ສ່ວນຫຼາຍທີ່ມີໃບອະນຸຍາດ ຖືກຫ້າມບໍ່ໃຫ້ເຂົ້າໄປໃນເຂດຊຸມຊົນພົນລະເມືອງຂອງ ອິດສະຣາແອັນ ຢູ່ເຂດຝັ່ງຕາເວັນຕົກ ເພື່ອເຮັດວຽກໃນວັນທີ 25 ແລະ 26 ຕຸລາ; ບັນດາດ່ານຊາຍແດນເຂົ້າໄປ ອິດສະຣາແອັນ ຈະປິດປະຕູເຖິງການເລືອກຕັ້ງສຳເລັດ. ກຳລັງ ອິດສະຣາແອັດ ໃຫ້ຮູ້ວ່າ ໄດ້ຜັນຂະຫຍາຍການເຄື່ອນໄຫວຢູ່ກວ່າ 400 ຈຸດ ແລະ ຈັບຕົວຊາວ ປາແລັດສະຕິນ 40 ຄົນທີ່ຖືກກ່າວຫາວ່າມີສ່ວນກ່ຽວຂ້ອງກັບຂະບວນການ Hamas ຫຼື ທຳສົງຄາມສັກສິດ ອິດສະລາມ ປາແລັດສະຕິນ.
ການກະທຳນີ້ເກີດຂຶ້ນໃນຂະນະສະພາບການທີ່ ອິດສະຣາແອັນ ເພີ່ມທະວີບັ້ນການທະຫານຢູ່ນະຄອນ Hebron ພາຍຫຼັງເກີດເຫດການຍິງປືນໃນວັນທີ 23 ຕຸລາ ທີ່ເຮັດໃຫ້ນາຍທະຫານ ອິດສະຣາແອັນ ສອງຄົນເສຍຊີວິດ ແລະ ສາມຄົນບາດເຈັບ.
