ຖະແຫຼງການຊີ້ແຈ້ງວ່າ ອີຣານ ຈະດຳເນີນການໂຕ້ຕອບຢ່າງດຸເດືອດ ແລະຮ້າຍແຮງກວ່າ, ຖ້າ ອິດສະຣາແອັນ ສືບຕໍ່ເກາະຜິດຢູ່ ລີບັງ. ພາຍຫຼັງການຖະແຫຼງຂອງ ອີຣານ, ສື່ມວນຊົນ ອິດສະຣາແອັນ ໃຫ້ຮູ້ວ່າ ອິດສະຣາແອັນ ໄດ້ຕົກລົງຢຸດຕິຊົ່ວຄາວການບຸກໂຈມຕີຕ້ານ ອີຣານ. ຂໍ້ຕົກລົງດັ່ງກ່າວໄດ້ຍົກອອກມາຕາມຂໍ້ສະເໜີຂອງທ່ານ Donald Trump ປະທານາທິບໍດີ ອາເມລິກາ. ເຖິງຢ່າງໃດກໍຕາມ, ແຫຼ່ງຂ່າວກໍຢັ້ງຢືນວ່າ ອິດສະຣາແອັນ ຈະບໍ່ຢຸດຕິການເຄື່ອນໄຫວຕ້ານຄືນກຳລັງ ເຮັກໂບລາ ຢູ່ເຂດພາກໃຕ້ ລີບັງ.
ກ່ອນໜ້ານັ້ນ, ສື່ມວນຊົນ ອິດສະຣາແອັນ ໃຫ້ຮູ້ວ່າ ຕອນບ່າຍວັນທີ 08 ມິຖຸນາ, ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Benjamin Netayanhu ນາຍົກລັດຖະມົນຕີ ອິດສະຣາແອັນ ໄດ້ດຳເນີນການສົນທະນາທາງໂທລະສັບ, ປຶກສາຫາລືບັນດາບັນຫາທີ່ກ່ຽວຂ້ອງເຖິງການປະທະກັນກັບ ອີຣານ ແລະ ຢູ່ ລີບັງ.
ນັກຂ່າວ VOV ປະຈຳ ອີຢິບ ແລະ ອາເມລິກາ
