ໂດຍບໍ່ຫົວຊາຕໍ່ໄພນາບຂູ່ບຸກໂຈມຕີພ້ອມກັບບັນດາມາດຕະການລົງໂທດທີ່ບໍ່ເຄີຍມີມາກ່ອນຈາກ ອາເມລິກາ, ວົງການເຈົ້າໜ້າທີ່ ອີຣານ ສືບຕໍ່ຢັ້ງຢືນຈະເປີດຊ່ອງແຄບທະເລ Hormuz ເສັ້ນທາງຂົນສົ່ງນ້ຳມັນຍຸດທະສາດຂອງໂລກ, ກໍ່ຕໍ່ເມື່ອ ອາເມລິກາ ຕອບສະໜອງບັນດາເງື່ອນໄຂຂອງ ອີຣານ. ກໍ່ຄ້າຍຄືກັນ, ການພົບປະເຈລະຈາສັນຕິພາບລະຫວ່າງສອງຝ່າຍຈະເຊື່ອມຕໍ່ຄືນເມື່ອການກະທຳເປັນປໍລະປັກເລັ່ງໃສ່ ອີຣານ ພ້ອມກັບບັນດາສຳພັນທະມິດຖືກຢຸດຕິລົງ.
ທ່ານ Mohsen Rezaei, ເລຂາສະພາຄວາມໝັ້ນຄົງແຫ່ງຊາດສູງສຸດ ອີຣານ ໄດ້ເນັ້ນໜັກວ່າ ເລື່ອງ ອີຣານ ບໍ່ກັບຄືນສູ່ການເຈລະຈາໃນເວລາຜ່ານມາ ບໍ່ໝາຍຄວາມວ່າ ເຕເຮຣານ ລົບລ້າງເສັ້ນທາງການທູດ. ກົງກັນຂ້າມ, ອີຣານ ຍາມໃດກໍ່ໃຫ້ບຸລິມະສິດ ແລະ ຍົກສູງມາດຕະການທາງການທູດ. ເຖິງຢ່າງໃດກໍຕາມ, ຊ່ອງແຄບທະເລ Hormuz ຈະບໍ່ເປີດປະຕູຄືນໃໝ່ ແລະ ການເຈລະຈາສັນຕິພາບກໍ່ຈະບໍ່ໄດ້ຈັດຂຶ້ນ, ຖ້າ ອາເມລິກາ ບໍ່ຕອບສະໜອງບັນດາເງື່ອນໄຂເຊິ່ງ ອີຣານ ຍົກອອກມາ.
