ຂໍ້ມູນດັ່ງກ່າວໂດຍ ທ່ານ Badr Albusaidi, ລັດຖະມົນຕີການຕ່າງປະເທດ ໂອມານ ຢັ້ງຢືນລົງໃນສື່ສັງຄົມ X ໂດຍໃຫ້ຮູ້ວ່າ ຂໍ້ຕົກລົງໂຈະການຈັດກອງປະຊຸມ “ແມ່ນຍ້ອນຜົນປະໂຫຍດຂອງຄວາມເຫັນດີເຫັນພ້ອມ”; ພ້ອມກັນນັ້ນ, ກໍ່ໃຫ້ຄຳໝັ້ນສັນຍາຈະຊຸກຍູ້ການໂອ້ລົມສົນທະນາເພື່ອໜູນຊ່ວຍຄວາມສະຖຽນລະພາບ ແລະ ການຮ່ວມມືອັນຍາວນານຢູ່ພາກພື້ນ. ໃນຂະນະນັ້ນ, ວົງການເຈົ້າໜ້າທີ່ ອີຣານ ຍັງບໍ່ທັນຍົກອອກຄຳຄິດເຫັນໃດກ່ຽວກັບຂໍ້ຕົກລົງໂຈະການຈັດກອງປະຊຸມຂອງ ໂອມານ ເທື່ອ.
ໃນເຫດການທີ່ກ່ຽວຂ້ອງ, ກະຊວງການຕ່າງປະເທດ ອິນເດຍ ຢັ້ງຢືນວ່າ ກຳປັ່ນ MT El Gaia ຂອງປະເທດນີ້ໄດ້ຖືກບຸກໂຈມຕີຢູ່ນອກຝັ່ງທະເລ ໂອມານ, ໃນເຂດຊ່ອງແຄບທະເລ Hormuz. ກຳລັງເຈົ້າໜ້າທີ່ຂອງ ໂອມານ ໄດ້ມານະພະຍາຍາມດຳເນີນການຍົກຍ້າຍ ແລະ ກູ້ໄພກູ້ຊີບລູກເຮືອ. ເຖິງຢ່າງໃດກໍ່ຕາມ, ບັນດາຂໍ້ມູນອື່ນໆທີ່ກ່ຽວຂ້ອງ, ໃນນັ້ນມີຈຸດເວລາເກີດການບຸກໂຈມຕີ ແມ່ນບໍ່ໄດ້ເຕື້ອງເຖິງ.
