 ທ່ານ Nasser Kanaani ໂຄສົກະຊວງການຕ່າງປະເທດ ອີຣານ (ພາບ: tasnimnews) |
ໃນຖະແຫລງການອອກ ວັນທີ 10 ກັນຍາ, ໂຄສົກະຊວງການຕ່າງປະເທດ ອີຣານ ທ່ານ Nasser Kanaani ໄດ້ກ່າວປະນາມບັນດາມາດຕະການລົງໂທດໃຫມ່ ຂອງ ອາເມລິກາ ຈັດວາງໃສ່ກະຊວງສືບລາຊະການລັບປະເທດນີ້ ໂດຍກ່າວຫາກະຊວງນີ້ມີສ່ວນກ່ຽວຂ້ອງເຖິງເຫດບຸກໂຈມຕີທາງເຄືອຂ່າຍອິນເຕີເນັດເມື່ອເດືອນ ກໍລະກົດ ເລັ່ງໃສ່ Albania, ຊື່ງແມ່ນພັນທະມິດຂອງ ອາເມລິກາ ໃນ (NATO). ໂຄສົກກະຊວງການຕ່າງປະເທດ ອີຣານ ຊີ້ແຈ້ງວ່າ ບັນດາມາດຕະການລົງໂທດໃຫມ່ນີ້ “ຈະບໍ່ສາມາດກໍ່ຄວາມວິຕົກກັງວົນໃດໃນຄວາມຕັດສິນໃຈຂອງຜູ້ທີ່ປະຕິບັດຫນ້າທີ່ປົກປັກຮັກສາຄວາມສະຫງົບປອດໄພໃຫ້ແກ່ປະຊາຊົນ ອີຣານ”
ຖະແຫລງການຂອງກະຊວງການຕ່າງປະເທດ ອີຣານ ໄດ້ຍົກອອກມາ ພາຍຫລັງ ວັນທີ 9 ກັນຍາ, ກະຊວງການເງິນ ອາເມລິກາ ຈັດວາງຄຳສັ່ງລົງໂທດກະຊວງສືບລາຊະການລັບ ອີຣານ ແລະ ຫົວຫນ້າກະຊວງນີ້.
ກ່ອນຫນ້ານັ້ນ ວັນທີ 7 ກັນຍາ, Albania ໄດ້ຢຸດຕິການພົວພັນທາງການທູດກັບ ອີຣານ ພາຍຫລັງຄຳກ່າວຫາ ອີຣານ ປະຕິບັດການບຸກໂຈມຕີເລັ່ງໃສ່ຫນ້າເວັບຂອງ ລັດຖະບານ Albania ໃນວັນທີ 15 ກໍລະກົດ.
